禍不單行

呢排黑仔，仲要係黑仔到極o個隻~
之前寶寶做abscess手術，做完一個月就recur，同HRS o既educators 傾過後，而家決定開始幫寶寶打抗生素療程，一打就可能要打幾個月，心痛死我啦~~~~


一晚打一次Bicillin，好赤呀~~~
對唔住呀寶寶 >.<
呢幾日晚晚留意住嘜嘜胃口，擔心隻衰妹唔肯食o野，點知一放碗菜菜俾佢，佢就食到成咀綠色~


嘜嘜，你食o野唔抹咀o架!!


嘜嘜：咩唔抹咀呀﹖即刻抹俾你睇丫拿~


嘜嘜：洗埋面俾你睇都仲得添呀~

花生B真係乖女~

10th July, 06

個幾月前帶花生睇o左獸醫，決定唔做手術。
呢幾日發覺佢好似差o左，唉......想喊.........
拎上手，覺得佢愈來愈瘦，其實我都心知不妙，但我真係唔希望o個一日會o黎......
我由花生未開眼開始就一手養大佢，佢又乖又cute又聽話，我真係好唔捨得!!!!!!!!!!!!!
既然瘦o左，我唯有手餵Harrison's 糊仔俾佢，佢幾乖呀，企定定自己lam 呀~~
花生，你真係抵錫啦!!!!


花生B：糊仔好好味喔~


花生B：我食飽飽啦~ 幾乖!!

嘜嘜麻醉了

10th July, 06

近來發覺嘜嘜食o野慢o左，又食少o左草，屎屎又細粒o左成個碼，擔心佢d牙仔有事，於是帶o左佢去見獸醫。

獸醫用scope驗查完後，話六歲幾o黎講，d牙仔算係唔錯，不過右面有空微 lingual slanting，話時話，我留意到嘜嘜食草多數用左面食，所以右面有d問題唔出奇囉~

獸醫話值得全身麻醉check下d牙喎，其實我想免得過都唔落麻醉o架啦，始終佢年紀都唔係細，又仲食到o野，不過我又擔心佢d牙仔有事佢會痛，所以最後都決定落麻醉check清楚d。

每次我d兔仔要麻醉，我都想自己跟返，今日都唔例外，自己睇實d嘛!!

今次麻醉完後，獸醫話佢都唔知咩事，因為d lingual spur 只係好細，唔應該足以令到嘜嘜食o野有問題，而 X-ray 就到 d牙根都唔錯，不過有少少長o左，可能會令到佢有d痛而食少o左，所以返屋企要食止痛藥lu，慘咯，嘜嘜最憎人地夾硬塞o野入佢口........ 好肉赤啊~~~


嘜嘜麻醉前，俾菜菜佢都仲係好開心咁食呀食...食呀食...


麻煩o左之後，用equipment check 牙仔。
嘜嘜，你條豬橫「月利」好cute喎~


嘜嘜o既 skull X-ray，我親手幫佢照的。
有6個shots，有lateral，oblique，DV同frontal 4個view。


乖女醒o左啦!! 入袋袋準備返屋企lu~~


今日麻醉完，返到屋企驚佢凍，俾張被仔cum 住先~

點解兔仔們咁可愛﹖

係人都知我鍾意成日拎住部DC影相，特別係影我d兔仔同倉鼠，不過因為花生太細隻，好難可以捕捉到佢d動作，所以大部份o既相都係兔兔兔兔兔兔兔兔兔兔....................

今日放假，分別被C小姐同M小姐嘈醒o左，十二點幾被迫起身lu。
起身第一件事又係服侍d小姐大爺，執頭執尾，執屎執尿，已經成為o左我o既習慣。


寶寶証件相一張


咕...........咕...............................咕........


寶寶，點解你可以咁得意o架﹖


咁多地方唔o訓，兔仔梗係鍾意訓廁所o既......


一大盤菜呀~~~~ (隔壁個係正常size o既碗)
不過主角，係左下角啡色o個舊......(已經o係下面等緊......)


嘜嘜：開餐啦~~


衰妹，你睇你食到個咀仔變o左綠色啦!!


寶寶：搶呀~~~ 食呀~~~~ 呢塊菜菜係我o架!!!


Carmen 話有o野食要大家分喎......


呢包蘿蔔仔，係用o黎tum 兔仔們o既粒粒。

蜜糖星星 + 鮮奶

7 th July, 06



前幾日買o左三大盒鮮奶同蜜糖星星返屋企，兩樣都係我好鍾意o既食物，哈哈哈，夜晚宵夜有著落咯~~~

一邊上網睇HRS o既o野，一邊食食食，就如同幾隻小兔一樣一日食唔停.....

兔兔寵物店

7 th July, 06 (Friday)

上網見到一隻被人遺棄數次o既灰色小侏儒兔阿B，覺得佢好可憐，前排已被安排做了牙仔手術，而家暫住某兔兔寵物店，今日有點得閒，於是同大口仔一齊去探探阿B，順便睇睇其他等待領養o既小兔。


阿B：姐姐，不如你帶我返屋企啦!! 我會好乖o架!


阿B：你放我出o黎丫，我想跟你返屋企呀......


阿B：我真係會好乖，唔咬人o架，拿，你睇，我無牙仔咬人o架啦......

同P小姐傾返阿B個case，其實我都真係好想領養阿B，因為我唔想佢再被人遺棄(o黎得我屋企o既兔仔，一定唔會再流浪街頭的)。
阿B牙仔有事需要特別照顧，我自問唔介意，不過...........我諗我阿媽唔會再俾我養多一隻囉......
Caspar 都係我出古惑先可以帶到返屋企養，再多一隻阿B，阿媽應該會遺棄我出街......

唔捨得唔捨得，最終都知道自己係唔可以拎走阿B >.<
阿妹一見到阿B 張相就話佢好得意，佢就唔介意多一隻呀，係阿媽o者......



呢包係今日o既收穫：蒲公英草草