16 Oct, 2006
絨絨，乜浪住寶寶隻腳仔訓會舒服d咩?
兩隻衰o野去到邊都一齊，食又一齊訓又一齊，其實應該係話，寶寶去到邊，絨絨都要跟到實，如果寶寶一起身行去第二邊訓，絨絨又會即刻起身跟埋去第二邊一齊訓，總之就係去到天涯海角都要痴住o個隻..........
自從波子o係2004年離開o左寶寶之後，寶寶一直都係自己一隻住，我好清楚波子對寶寶o既重要性，所以波子離開後，寶寶就即刻唔食o野，攪到要見獸醫，一位由細一齊長大o既好朋友突然離開，心靈創傷真係不可小看，我有眼見寶寶係唔開心的，但我無諗過去買一隻新o既朋友俾寶寶，一切隨緣吧。
直至2005年o既9月，一隻小白兔俾不負責任的主人遺棄，機緣巧合下，俾我見到......呢隻小白兔似乎脾氣不錯，maybe I should have a try......而呢隻，就係絨絨。
一拎絨絨返屋企就已經睇得出佢係好「和得人」又「和得兔」o既小白兔，佢係人都跟，係兔都玩，唔咬人唔打人又唔發脾氣，只有俾人咬俾人蝦......性格如此溫純善良，我又點捨得唔要你呢?
不過如果你可以keep 得個pat pat仔乾淨d，等我唔洗幫你洗pat pat，我會更加錫你囉絨絨!!!!!!!!!!!!!!!
再有黃pat pat o既話，小白兔都要chop 黑豬印呀!!
