好多人都知道，我成日會袋住部相機，見到o野就影低。
就算係返工，我都有時會帶住部DC，又袋住部電話，總之就成日影。
以前o既我，好少影相，包括我自己，男朋友，屋企人同埋朋友。
以前o既我，更加少幫兔仔們拍低佢地生活o既一點一滴。
某程度上，係一個遺憾。
現在，因為我有部DC，可以隨時隨地影低我所喜歡的，我想留念的。
而家，我亦開始明白到，影相，可以將我o既回憶記下，好讓自己將來回味一番。
正因為以前無拍低o既太多太多，失去的亦都太多太多，心裡總是耿耿於懷，於是乎，我一有時間就會拎起相機影個痛快! 而首當其衝o既，就一定係我幾隻寶貝兔了。
其實我好掛住阿Be，阿Be係一隻我好錫o既兔仔。
佢陪我開夜車考會考，陪我考高考，陪我放榜，但最後陪唔到我入大學，阿Be留低俾我o既相唔多，呢樣就更加令我耿耿於懷。
所以........................................各位，兔仔相又o黎啦~~~~~~~
嘜嘜永遠都咁靚女~~
就算眼仔有白內障都好.......仍是靚兔一名。
嘜嘜最鍾意就隨地o訓，砰一聲就撻落地。
而寶寶呢，就永遠都咁乖女。
嘜嘜正面同側面最上鏡喔~~
浪住我隻手，一樣咁好o訓......
兔仔o既手仔都好得意喔~~~
