Grooming Day

10 Oct, 2006

今日大工程咯......

要幫寶寶嘜嘜絨絨逐隻梳毛剪趾甲，另外絨絨仲要洗pat pat !!!

仔呀仔，你個pat pat生性d 啦...... @_@

幾隻d毛梳梳埋埋成堆呀!! 哈哈哈~~~

如果留返儲起佢，第時應該可以夠整一個cushion!

咁乖，係時候俾獎勵啦~

寶寶返o黎啦~yeah~

10 Oct, 2006

正當我仍然擔心寶寶點解神情呆滯o既時候，突然，我聽到廚房傳o黎一聲巨響，立即走去睇下發生咩事，原來.............................

寶寶扯o左個米缸出o黎走入去玩!!!


寶寶：睇下有咩食先?


寶寶：咦?點解無米o既? 仲諗住偷幾粒嗒下添!
Carmen：更係無米啦，我d米用o黎買晒你地d o野丫嘛.... -_-


問答題：請問圖中有幾多隻兔仔呢?


一隻玩米缸蓋，一隻玩膠袋，分頭行事。


寶寶：弊! 俾Carmen 發現o左!! 影到我地呀!!


寶寶：速逃!! 絨絨，快d跟住我，閃!!

就係咁，個廚房好似打仗咁，米缸又倒埋(好彩咁o岩一粒米都無，你睇我屋企幾窮)，d膠袋又一地都係.....
寶寶仲要o係個灶底係咁掘掘掘，不過最開心o既係，寶寶精神返啦!!佢變返做正常o既寶寶啦!! 好o野!!!!!!!!!!!!! 寶寶無事，執下又有咩所謂o者?

仍未放心

9 Oct, 2006

今日寶寶食兔仔糧都仲係食少o左，不過佢都仲好肯食草，又有好多屎屎，所以都無咁擔心。

返工時成日都掛住寶寶 >.< 驚佢唔精神，驚佢發o牛豆，驚佢唔食o野.... >.< 隻衰妹係明顯無之前咁精神，但平時真係精靈過我o架嘛!! 點會唔擔心丫?

************************************************************************************

上上下網，發現嘜嘜攝 o左o係呢度bom 低o左!


d腳仔仲o係牆度行緊咁.....

寶寶，你唔好嚇我啦

8 Oct, 2006

夜晚餵幾隻怪獸食o野時，發覺有d唔對路......
平時一行入去，寶寶已經發o左癲咁企起身問我拎糧食，今晚，佢竟然照趴o係度無反應，只得絨絨一個走埋o黎。

我搖個糧罐，一樣無反應，弊!!

倒d糧出o黎，寶寶都有食，但只係食到平時o既7成，食完仲搵地方匿埋添，有問題!!!!

所以我決定今晚將寶寶同絨絨分開先，要觀察寶寶有無食草同有無屎屎。
寶寶，你唔好嚇我啦......

都係阿媽好!

8 Oct, 2006

返工愈來愈辛苦，又無咩o野學，得到o既只係壓力同壓力，好無癮。

愈高層就愈假愈擦鞋愈無能愈妒忌心重，成日大蝦細，不知所謂!!!!!!! 教人如何服你? 辦事能力嚴重不足，一日到黑只懂以大欺小，濫用權力，請問你何德何能? 既然係要求我地要做到某個要求，為何你自己力有不逮? 自己都達唔到要求，你憑乜要我地做?你又憑乜坐呢個位?就憑一張差d唔合格o既沙紙? 假如你真係覺得就憑你張沙紙可以壓住我地，不如大家一齊take course，睇下邊個成績好邊個高分就邊個坐正，咁會唔會好d? 所有人公平考試丫笨!!

呢個世界，真係擦鞋就可以升上神位?
假如你跟本無呢個能力，煩請退位讓賢!!!!!!!!!!!

條氣真係頂住頂住.....
最唔服一d無料到o既人o係到阿支阿左，以為自己好醒，原來係豬頭丙。

講o左出o黎，舒服晒.........
放工返o黎好彩有阿媽o既愛心飯盒 + 老火湯!!
d?全部都好好味，全部都係我鍾意食o野!!
有蒸鯇魚啦，炆雞翼啦，粉絲蒜蓉象拔蚌啦，菜芯啦，仲有響螺湯! 好好味呀~~~~

情意結

8 Oct, 2006

呢個燈籠，並唔係我o既，而係我細妹o既。

無錯，我細妹都會買兔仔o既o野，燈籠啦，袋啦，毛毛公仔啦，銀包啦..........原本鍾意Winnie the Pooh o既佢，已經不知不覺滲入o左兔仔o既影子。

我唔知係佢本身都鍾意兔仔丫，定係受我o既影響，有時連阿媽都會買有兔仔o既o野返屋企，不過佢就可能係因為知我鍾意o者，阿媽本身都唔係太鍾意小動物，不過屋企養o左咁多年兔仔，我諗佢點都有少少情意結o既，假如佢好憎o既話，有乜理由成日抱起嘜嘜玩，又點會成日靜靜雞走去同寶寶傾計先?雖然佢把口成日就鬧鬼，日日e e 哦哦，又話絨絨個pat pat 黃甘甘，又話嘜嘜弱智....-_-" (最得阿媽歡心o既應該係寶寶啦)，d 阿媽係咁o架啦.......