出雙入對

22 Aug, 2007

自從波子o係2004年離開o左之後，寶寶一直都孤伶伶，直到2005年絨絨o既出現，寶寶又有返個出雙入對o既好朋友了。

兔仔本身係群體動物，我深信大部份兔仔都喜歡有個伴的。
有朋友，可以一齊食草一齊訓一齊清潔一齊傾計一齊去廁所，總之 - 有朋友的感覺真好。

而家好多時都會見到寶寶絨絨泊埋一齊覺覺豬的喔~

我的牛一

21 Aug, 2007

踏正21/8，同自己講返聲生日快樂先~ ^O^

一如以往，生日同屋企人食晚飯，今年去o左酒樓食飯，冬瓜盅真係好好味呀!!!!!
今日買o左條裙俾自己，本身諗住3百幾蚊，點知原來做緊特價，無啦啦變2百幾蚊，真係好呀~

除o左自己，我地仲買o左個新玩意俾喵喵.....


Mogi：有個山窿o既?


Mogi：原來入得去o架!


Luther：係喎，我咁肥都入到喎!!
Mogi：仲可以玩扮蜘蛛俠添o架~


Mogi：哥哥一齊o黎玩丫...

Mogi仲有一項絕技，就係扮狗仔玩執波波.....
其實Mogi真係好似一隻狗仔，佢好為食，又鍾意用口擔o野，同佢玩拋波波佢又會執返俾你再拋....


反而Luther就似返一隻喵.....

我的生日蛋糕

20 Aug, 2007

Carmen 的生日芝士蛋糕~ ^_^



今日收到同事們送的禮物，多謝各位。

新草送到

18 Aug, 2007


Chestnut跑緊碌碌...


跑呀跑呀跑呀...~~


Coconut 八八掛掛。


之前訂o既APD 2nd cut Timothy草草今日送貨啦~
草草質素ok 啦~

食家絨絨首先試食。

我：食家絨絨，食請呢箱草草ok唔ok?

絨絨：麻麻咁啦~

我：麻麻咋? 咁你做乜留返一條今晚食先?

絨絨：er.....um........er.....

嘜嘜腳仔~

寶寶9歲生日快樂!!

17 Aug, 2007

Yo~ 今日係寶寶9歲生日呀，寶寶我祝你生日快樂，身體健健康康，愈來愈靚女~~ ^O^
其實我都唔知寶寶真實係幾多歲o架，1999年8月領養佢時前主人話佢大約1歲，由我拎佢返屋企o個日開始計起我養足佢8年，就當佢係9歲啦~


唔知做乜，寶寶同絨絨一齊跳o左上草屋，咁樣舒服d?
寶寶：細佬，你見唔見到有菜菜呀?
絨絨：你阻住我，我乜都睇唔到呀.....


我送俾寶寶o既生日蛋糕~


寶寶：嘩!! 有蘋果食咁筍? 平時Carmen 好少俾生果我地食o架....
我：生果甜呀，兔仔多食無益嘛.....見你今日生日咁叻女，獎少少蘋果俾你啦...


寶寶：拿拿聲食多d食返夠本先.....


寶寶：真係好食到停唔到口兼lam lam「月利」呀.....

寶寶：咁10歲生日時係咪又有得食o架?

絨絨仔：嘩.....我都有份呀?

嘜嘜：哼! 好嬲呀，點解我無份o架?

嘜嘜又點會無份呢?

不過嘜嘜從來都唔鍾意食生果的，所以食蘿蔔仔啦~

我真係覺得寶寶好叻女，佢係我養得最耐，陪得我最耐o既兔仔呀 ^__^

Happy 9-year-old Birthday to My Dearest Rambo!!!!

***************************************************

Mogi 又望街街了。

肥仔又訓覺覺了。

Mogi 絕育了

16 Aug, 2007

post 一下我混亂不坎o既書枱。




夜麻麻Chestnut 仲唔返屋企?

今朝一早起身準備帶Mogi絕育，順個便帶埋肥仔Luther去診所磅下有幾多斤。


大佬Fred：你地兩個邊位?肥C大隻做乜迫埋一個籠?
Luther：我邊夠你肥....

上次Luther 磅係1月，當時佢2.99kg，如今8月，佢已經係4.38kg !!!
肥仔果然無叫錯.....唔可以再俾佢肥落去啦!!

Mogi妹就2.35kg，其實ok 啦，女仔係細隻d，而家身型都ok fit o架~


Luther：嘩...出面落貓屎喎，咁大雨，點返屋企呀....?!
Carmen：有錢咪返到屋企囉.....衰仔，搭的士呀....o係你d糧度扣。

真係好揀唔揀，揀中落得最大雨o個日先去診所添....... @_@
*******************************************************

同場加影一隻芝娃娃BB，好kawaii 呀~