My Circle of Life: 2007-01-07

大頭貓

9 Jan, 2007

Fred Fred，做乜咳到伸晒「月利」呀?
陰公囉，咳o左成分鐘......

不過一望到呢張相，我真係忍唔到笑呀，哈哈哈哈哈哈..........
******************************************

又有人俾多一隻咪仔我地，而家Luther仔多o左一個妹妹啦，我幫妹妹改o左名叫Mogi，Luther 好鍾意好錫細妹，成日攬住妹妹玩，又攬住妹妹訓覺，真係好!! ^_^

買o左個新collar 俾Mogi，不過Mogi 仲係太細隻，戴唔到collar 住，等佢遲d大隻少少先啦，而家先得o個個幾月.....隻衰妹開頭好惡死，係咁he 我地又he Luther，不過阿仔唔怕阿妹he he 聲，仲走到拍阿妹個頭添!!! 笑死我啦......

我而家又兔又貓，會唔會變得愈來愈窮呢?

超凍的晚上BBQ

7 Jan, 2007

今日放工後，一行廿幾人去o左大尾篤BBQ.....

原本都無咩問題，問題係，今日係天文台話最凍o既一日囉.... @_@

o係個火隔離就無乜o野，一行開少少就.....

食到11點幾，我已經頂唔順啦，自己坎o左上車訓覺覺豬先，佢地就繼續燒，燒到成2點，我就訓到2點.....

一人有一間草屋

5 Jan, 2007

眼見寶寶絨絨咁鍾意間草屋，今日又去買多一間俾嘜嘜先。
嘜嘜一見到有屋仔，即刻標o左入去呆企!!! 佢又呆呆滯滯一日啦.....

似乎我o既小兔都好鍾意感覺安全o既地方咁喎.......

嘜嘜就係咁，一日20小時企o係入面啦，無呃你o架!
佢入o左去唔肯出o黎呀......... 哈哈哈!

草屋的誘惑

2 Jan, 2007

人地放假我返工，人地返工，仲唔輪到我放假?
又係影相o既時候啦~~ 啦啦啦~~~~

呢期絨絨好叻仔，全身都算係乾淨，唔洗洗pat pat~

上面睇一樣咁白o雪o雪~

寶寶乾淨就更o架啦，乖女~

絨絨，你捕復活蛋呀?

一隻恰眼訓，一隻洗面面~

寶寶：咦? 絨絨入去草屋玩，無理由我唔玩o架，不過我好似高過間屋喎....

寶寶：唔理啦，照迫入去先!! ..............噢，kick 住o左呀，出唔到o黎呀.........

寶寶：攪錯呀，間樓盤咁細o架，唔係我大隻呀，咬死你咬死你!!!

嘜嘜：你地慢慢爭屋仔啦......

嘜嘜：我唔客氣啦...

Happy New Year 2007 !

1 Jan, 2007

今日係1 月1 日，好多人都唔洗返工，我除外... -__-"
Happy New Year = Happy counting year....

不過同經理講掂數，我同C小姐返遲一個鐘，經理就照返正常時間(哈哈，返得仲晏過manager 添)

其實今日返公司係做stock take，公司無晒人，我地3個靜靜地快快手手咁take 數，好快就做晒啦，yeah~ 做到3點幾出去食lunch，公司俾錢!! 因為今日我地算係義務幫公司點數的，原本應該人人都放假....嘻嘻....

順手拎埋支紅酒返屋企先~

2006年最後一日

31 Dec, 2006

一直K小姐都話o係2006聖誕約出o黎見下面，點知又係就唔到時間。

今日終於都約到啦，約o左Z小姐，K小姐同B小姐一齊食返個tea......

今日係2006年最後一日，都算係o係2006見到面啦.....

之後Z小姐上o左o黎我屋企做公司o野，見到一份二份文件咁拎返屋企攸，真係慘，好彩我好少有o野拎返屋企做o者.....

都係o個句，其實我好怕迫，所以倒數呢d o野唔洗預我啦，大口仔話不如同埋寶寶嘜嘜絨絨一齊倒數呀...... 好o野~ ^_^

大出血

29 Dec, 2006

是日大出血..........
唔緊要，送俾你，唔肉赤唔肉赤~~
喜歡嗎?

今日去o左睇Luther，買o左個新collar 同名牌仔俾佢 ^o^
原本諗住出去睇下邊度買到9磅草，點知度度都無貨，心惄唔知點算時，P小姐幫我班到一箱返o黎!! 真係唔該晒佢呀，你真係好呀 ^_^

為食兔

28 Dec, 2006

究竟係乜o野咁吸引呢?

答案：紅蘿蔔仔粒粒是也!!

Merry Christmas !!!!

25 Dec, 2006

又到聖誕，又到聖誕~~~~ yeah~
今年o既聖誕節，約o左成班豬朋 + 狗友一齊開? + 打邊爐，真開心喔~~
一邊食，d狗狗一邊望實我地想我地俾o野食，哈哈哈!!

我+ C小姐呢d出晒名唔識打牌o既，孖妹組合，今年又再一次贏大錢!!!!!!! 十舖贏九舖，而且比上年贏得更多!!!! 佢地話我地唔識打先贏得勁，就係因為我地唔識打，打亂晒佢地o既章法，嘩哈哈哈~~~
有得玩有得食仲有錢贏，勁呀~~~ 又食又拎呀~~~~~

不過佢地咁多個之中，得我一個26/12 要返工咋，唔制呀....唔公平呀..... >.<
***********************************************************************************
以下係選擇題：請選出唔係狗狗o既一隻。

工展會

24 Dec, 2006

阿媽話想去工展會喎，下晝同阿媽細妹食完lunch之後就搭車出發啦~
其實HKBPE 好似無咩o岩我睇，o個d o野o岩阿媽多d，我地都只係係咁試食同買o左d麵返屋企......

入面其中三個波波係我寫o架!

人唔算好多，好彩o者，我怕迫呀~

************************************************************************************
之後join 埋大口仔同細妹個friend，一齊去o左太子一間「叫?食飯」o既地方食o野，又幾好味喎。食完o野之後出o左TST，人多多咁又無乜燈飾睇(雖然我無乜興趣睇)，影o左幾張相就走人lu，唔玩咁夜啦，聽日先玩啦。