Fred 仔的朋友

4 Dec, 2006

後巷有隻好嗲人o既貓咪，我地見佢不停咁大肚好慘，所以同佢混熟o左之後，埋佢身捉o左佢做絕育，而家已經康復晒啦，叻女~

雖然佢俾我地捉過，但仍然好鍾意我地，成日o黎搵我地嗲我地，仲似乎好鍾意Fred Fred 添，有好幾次佢同阿Fred正面交鋒，貓咪仲係咁卒阿Fred同佢玩，反而Fred Fred 好似好驚佢唔多睬佢，有兩次仲一巴掌摑貓咪添!!公公真係公公，見到靚女埋身都無興趣，哈哈哈哈~~~


貓咪幾靚女o架...


又嗲喎......


阿Fred：你咪行埋o黎呀，我唔近女色o架....


Fred：我唔會睬你o架.....

送貨了! 好o野~

3 Dec, 2006

呢兜菜有7種菜 + 少少紅蘿蔔 + 少少蕃茄，三隻o野食到哈哈笑~

我就睇到笑哈哈~

呢排出面Timothy 斷晒貸，好多人都買唔到草俾d兔仔食，好彩我收到風時拿拿聲搵草，最後俾我訂到一箱9lbs，咁我順手訂埋其他o野，佢送埋貨唔洗我拎餐死， good!! 不過埋單$420!!!!
今日屋企d草o岩o岩食晒，d草今晚就送o黎，時間簡直perfect 啦~


9lbs Timothy 開箱啦!


嘩.......好多草丫....


d草仲好綠好香添~

兔子訓練班

2 Dec, 2006

今日應兔友協會o既邀請幫佢地o既新foster parents 上Training，我預早o左少少時間上去，幫手清潔下d 兔仔竇先。

其實我真係好希望d 主人可以真真正正認識兔仔，清楚知道佢地要食乜，居住環境應該係點，有病時要點做，而唔係是是但但拎/買/領養一隻返屋企「玩」。

Training 上o左個半鐘，我仲拎o左波波同Cookie 做rabbit model 添，哈哈~

之後同Shirley 同幾個兔友去o左食tea 傾下計，真係開心呀~

做完d有意義o既事後就返o左去同阿媽，細妹，許太一家食壽司，yeah~

Tiamo & Sagapo

2 Dec, 2006

收到兩隻契女o既cutie 相，yeah~

仲記得Brian o個時剛收養o左仲係BB o既Tiamo 時帶佢o黎俾我睇，細細隻白雪雪，頸上已經有collar，証明o左Tiamo 已經有主人啦，當時我地仲一齊諗隻衰妹叫咩名好，最後由我決定叫佢做Tiamo....呢個名，睇落去好貓貓名....

日子一日一日咁過，Tiamo 就一日一日咁肥....... -_-"

又肥又懶，左面o既就係Tiamo 啦~ 要減肥呀你~

到Sagapo.......個名又係我改o既，幾好聽丫...

唉，年前隻衰妹趺o左落街，斷o左隻腳同裂o左盆骨，好彩Brian 及時發現即刻帶佢去獸醫到醫得返.....而家行得走得跳得跑得食得訓得屙得玩得，當時真係俾佢嚇死!!!!

大假一天

1 Dec 2006

今日請o左大假，不過留o係屋企無o野做。

其實都開始覺得自己有d悶，放街又開始唔想出街，一來自己懶郁啦，二來真係唔知去邊好....

成日寧願留o係屋企，又開始玩自閉。

算啦，間唔時自閉一下無害o既，加上我又唔係鍾意成日嘈嘈弊o既人，自己一個人留o係屋企都幾好丫....

既然得閒，又係食菜菜時候了~









食呀~~ 食呀...衝呀.....

灰色絨絨?!

30 Nov, 2006

一望，就覺得佢似灰色o既絨絨仔......嘻嘻...好Cute 喔~~
不過，人地o既pat pat 無你咁黃喎衰仔!!!!!!!!!!

見到兔仔o既鼻仔同咀仔就好難忍手唔影低佢~

夜晚一行6人去o左食飯，原本諗住打邊爐o既，不過去到先發現無任食，我地呢班大食積無任食o既話找數都幾和味，所以改變策略，轉為叫?食飯。

席間大家笑到碌地，我笑到有點兒胃抽筋!!!
咁又一日~

衰女包嘜嘜

29 Nov, 2006

由細到大嘜嘜都好乖女，咁多年從來唔咬膠唔咬牆唔咬拖鞋，唔知係咪嬲我去o左幾日旅行，今日見到佢攝o左入房門後面，淨係突個pat pat出o黎，心諗以為佢攪乜，一開門睇，咦!!!!!!!!!!! 嘜嘜咬電線呀!!!

即刻抱起嘜嘜女check下，唔係驚佢咬爛o野，係怕佢電親呀，望望佢，個樣一如平時咁o牛o牛地又呆呆滯滯，咁即係無事?有事? 放返佢落地，又行得走得食得，呼~~~~~ 無事!!!!!!

唉，要開始搵o野頂住唔俾嘜嘜行入去啦，驚佢真係再咬呀.....今次真係好好彩...... >.<

Practical Exam - PASSED!!

29 Nov, 2006

今日考臨床試，老實講，上星期去o左布吉玩，玩到心都創埋，返到香港唔好話睇書，連郁都唔想郁......今次真係有d R 底!!

不過正正因為係Practical Exam，都係考返d procedures呀，oral呀，咁呢d我都ok，加少少真係要溫o既notes 資料呀咁，再加埋考少少天才........@_@

考o左1.5 hours，考完!! 即時知道Pass or Fail，好命o既我Pass o左啦~~

之後同D小姐去o左沙田，為o左慶祝順利渡過難關，請自己食好好味o既Sushi先!

之後仲同D小姐去o左買蜂蜜同Royal Jelly Pills，又洗o左我$8xx........呢排洗o既錢，多到唔敢計....

我乜都唔知，我乜都唔知呀.....

PDU 警犬

28 Nov, 2006

狼狗J係一隻警犬，佢服務香港多年，係一隻好乖o既狗女，既然佢有「義務」，當然應該有佢o既「權利」，而權利，就係o係佢病o既時候帶佢去睇醫生。

第一眼見到J就好鍾意佢，佢唔係話特別威風，又唔係話特別靚女，但佢就真係好乖，或者我對警犬情有獨鍾，佢地well trained 又聽話，日日為香港市民服務，上山追賊，海關緝毒，搜索炸彈等，能人所不能。

現時香港比較常用o既警犬包括：German Shepherd, Belgium Shepherd, Labrador Retriever, Golden Retriever同 Spencer Spaniel等等，全因佢地工作性強，易於訓練，警覺性高，加上嗅覺特別靈敏，無o左佢地，邊有咁易知道邊個身上有毒品先?

布吉之旅 - 最後一天

26 Nov, 2006

時間過得真係快，咁又到o左旅行o既最後一日。
一早約好o左去食海鮮做早餐，9:15 o係Hotel Lobby集合。


大家一齊搭Tuk Tuk (泰國的士)前往目的地。


到o左啦!


餐廳附近o既7-11。


布吉島早上o既街道。


呢位小姐就咁一邊開電單車，一手抱住小狗阿B衝呀衝.....
小狗睇o黎已經習慣o左lu....


呢碟泰式蝦係我係泰國咁多日以o黎覺得最好味o既一道菜!!
所以我地食完再叫多一碟!!!


龍蝦做早餐，問你死未?!
食得招積，住得舒適.....


我鍾意食o既通菜，不過好鬼辣。


整返杯鮮橙汁先。

食完龍蝦做早餐，我地又搭返Tuk Tuk返酒店lu。
Pack 返好晒d行李，放係房門口等bell boy收。


拜拜啦Baumanburi。


麻煩晒。


12點幾，我地又食啦!!
臨上機前o既一餐Lunch。


又到達布吉國際機場等Check-In。


又搭返泰航。


我所乘搭o既TG 604。


臨上機前o係候機室用埋淨返o既散紙買o左杯Ice Coffee。


上機啦，我又坐窗口位啦，yeah~


泰國布吉 ---> 香港國際機場。
夕陽無限好!!!!


上機後，我又食啦!!!
呢個飛機餐好好味呀~

返到香港，係夜晚9:05。
搭機場巴士返屋企，成個人突然間覺得唔知點咁。
3個半鐘前，我明明仲o係泰國，而家突然又o係返香港，好怪呀.......
今次呢個布吉之旅真係玩得好開心，飛得好，住得好，食得好，玩得好，同行o既人好，總之就好。

一落機就打返屋企，睇下幾隻怪獸如何。
之後再打俾C小姐，因為前日佢send 長途SMS俾我話佢發生o左好多事好唔開心，有d擔心唔知咩事，原來係咁......

一望張書台就見到香港政府公函 - I regret to inform you that your application as XXX is considered to be failed.

唔理啦，訓醒先算。

布吉之旅 - 第四天

25 Nov, 2006

經過尋日游o左成日水之後，成個人散晒，又唔夠訓，所以今日訓到成1點先起身......爽......


人地酒店無晒早餐啦，唯有自己出去搵好o野食。


泰國d食物幾好食，好過o係韓國無啖好食丫。


路邊的小花。


花盤裡的小蝌蚪，勁多! 多到你驚，咁咪會變出好多青....蛙...........?!
今日都係休息為主，旅行除o左話係咁狂玩，都可以係relax 休閒的。


黃昏時候，坐車車去FantaSea 啦....


Phuket Fanta Sea。


門口有大量核突到嘔o既肥魚! 我-好-驚!!!
「呀.....呀......救命呀.....好多金魚呀......好大條呀...」
「呢d係錦鯉，唔係金魚呀....」
「救命呀....金魚o黎o架......」
「都話唔係金魚咯。」
「嘩......金魚呀.......」


入場啦~


都幾大。


呢度就係睇show o既Performance Theatre。


今晚食飯o既地方。


入面非常之靚!










做乜d菠蘿靚成咁?


我的晚餐。


仲有sushi。


好好味o既椰子湯。


大象搶蕉喎~


行多晚巴東夜市，好彩無再落狗屎。


餐廳門口養鯊魚。


返酒店途中，又見到可愛小貓咪。