My Circle of Life: 2008-03-30

星期六, 4月 05, 2008

寶寶絨絨加油!!!!!

2 Apr, 2008

尋晚陪寶寶o既時候，發現佢血色好似唔多好，寶寶今年已經10歲了，安全起見，我打o左返診所book 時間見獸醫。點知，一波未平一波又起......

同一晚，我發現絨絨o既小便有sludge，仲成個pat pat仔污糟晒，弊了......可能bladder有事，打俾April同佢傾，最後我地決定今日一早拎寶寶絨絨俾April幫我帶返診所睇獸醫。

真係麻煩晒April...^_^

今日返工全日心掛掛，諗住兩隻兔寶寶，lunch 時獸醫打俾我，話10歲o黎講，寶寶general condition算係幾好，返而佢擔心絨絨仔多d，因為絨絨成個bladder 摸落去好硬好多sludge，話考慮緊好唔好幫佢sedate 插cathether.........聽完之後，我心情跌o左落谷底.....

養o左絨絨兩年幾，由起初麻麻地鍾意佢，到而家已經好鍾意佢，我真係好擔心佢會有事呀.....
bladder sludge 呢家o野，可大可少.....

至於寶寶，獸醫問我仲想唔想幫寶寶驗埋血，更係驗啦，當係body check 都好丫...

一心諗住準時5:18 收工，已經inform 埋leader我要準時走，點知最後都係走唔到，因為d patients o既record 我寫唔完....天呀......快d俾我走呀!!!

做做做，做到6點，唔走唔得啦，我要去接寶寶啦...
獸醫話寶寶可以返屋企，但絨絨要留醫，陰公囉，寶寶絨絨好好朋友的，今晚要分開了...>.<
人人都話寶寶好乖....又話絨絨好得意....

絨絨仔，你要叻仔d呀，寶寶都返得屋企啦，你都要加油!!
我聽日o黎接你返屋企o架啦~

新上班第二個星期

31 Mar, 2008

今日係第二個星期返新工，好彩o既係今日full day attachment，我唔洗太緊張...
大約9:45，我就同我今日o既拍擋James 一齊出發了。
始終佢唔係team leader，佢唔會問我書，所以心情relax 不少，哈哈哈~

唔知係唔係我黑住佢呢，我地今日第一個case 就已經unsuccessful visit，上到去，無人o係屋企囉!!!! -_-"

我地o係粉嶺食lunch，之後再出發入古洞o既OAH，可能我真係黑住佢啦，我地last 一個case 又變成unsuccessful case，因為有個patient 無啦啦入o左醫院搵佢唔到.......

最厲害o既係........我今日5:15pm 就返到屋企啦!!!!!!平時呢個時候應該仲o係醫院寫緊病歷!!!!

Coconut 眼仔...

30 Mar, 2008

Coconut 隻右眼仔生o左粒Abscess，所以趁今日放假，我帶o左佢去診所睇獸醫。
仔呀仔，你快d好返呀知唔知呀?

離開o左呢間公司都已經一個月，好掛住Monkey同Fred Fred仔，當然仲有我一班好同事呢...

Fred：你做乜而家先o黎探我?嬲死你.....

第一日正式上班

25 Mar, 2008

今日好早就起o左身，同大口仔去o左食早餐，返到醫院都只係8:10......
oh my god....好早呀!!!!!!!!!!

返到自己department report duty後，我個team leader就帶o左我去見個Department manager。
面對面見到個DM，真係有壓力.....

朝早都係攪下d admin o野，下晝就跟leader 出o左去睇case了，開頭當然唔係我睇啦，我都只係做下attachment，俾個idea 我究竟要做d咩o野咁。

好彩，個leader都幾好人，而d新同事都似乎幾好呢。

祝自己工作順利

24 Mar, 2008

話咁快，放埋今日就放晒成個星期假了，聽日就要返新工，心情有點兒緊張添，始終成個job nature都唔同晒呢。

可以o既話，我當然想再放耐少少假啦，咁耐以o黎我都無咩真正放長假，今次有成個星期已經係好好o架啦...不過放得耐又無錢...@_@

今晚阿媽俾o左一封開工利是我，希望我順順利利，多謝阿媽。