唔捨得咁快放完假呀..... >.<

22 Aug, 2006 (Tue)

攪錯呀，平時返工好似要返好耐咁，而家「習」一聲就放完三日假............

你就好啦寶寶，日日都係假期......

海鮮餐

21 Aug, 2006 (Mon)

今晚會去食海鮮，第一次可以自己揀海鮮呀~~~~
揀咩好呢揀咩好呢.....

呀，我最鍾意食蜆!!!!!!!!!!!!!!!

不過食海鮮好熱氣，我平時又少食，飲定杯庶汁先!





嘩.............好多蜆呀.......


呢碟阿媽揀o既，螺呀，好辣o架....


賴尿蝦，又係阿媽揀o既。


呢個仲洗講.........更係我話要食o架啦!


聖子都好好味o架.....


仲有呢個.......叫....咩話﹖扇貝﹖

壽星妹

21 Aug, 2006 (Mon)

今日要同自己講一聲：生日快樂呀~~~ 嘻嘻.......

我都唔知講乜好啦，總之多謝晒咁多位!!!!!!!!

呀，其實我係同寶寶一齊生日o架，大家都係8月喔~

三天假期的第一天

20 Aug, 2006 (Sun)

每年o既生日，我都一定會請假唔返工，我想自己開開心心嘛，可以自己休息一下，又可以同朋友仔食飯，返工俾人鬧就無謂啦~

今日係假期o既第一天，我訓到成12點先起身，一個字 --- 爽!!!!!!!!!!!!!!!!!!!

阿媽去o左打麻雀，細妹又訓到成4點，自己一個人無無聊聊又同兔仔們影下寫真先。


好鍾意嘜嘜呢個樣呀......好 cute....


一到下晝，又係嘜嘜o既午睡時間。


趴趴下，嘜嘜又bom 一聲撻低訓著。


絨絨：點解我做唔到呯一聲撻低呢個動作o既﹖

我的生日禮物

18 Aug, 2006 (Fri)

尋日收到今年第一份o既生日禮物，係由同事夾份送o既SWAROVSKI 耳環呀!! 多謝咁多位丫.........

之前提及過寶寶耳後生o左粒Abscess，所以日日要打針，而家都打o左成個月，但似乎無好轉，仲好似大粒o左添!!! 所以我決定帶佢去獸醫度做FNA，再做C/S，我想知邊隻菌咁惡!!!!! 可惡耶...........

寶寶出街街睇醫生，絨絨就更係要陪住寶寶啦，寶寶好怕出街的，但絨絨天不怕地不怕，陪住寶寶就最o岩啦!

寶寶抽FNA時好乖，仲 lam姑娘添! 真抵錫~


慘咯，俾醫生拮o左一針.........無晒心機啦.....


寶寶唔洗驚，錫返~


絨絨：家姐，我又錫返你丫.......


至於係屋企o既嘜嘜就唔理咁多，一於大覺訓....zZZZ......zz........Z..


嘜嘜：車，你一早就帶寶寶出去，人地都未訓醒.........


絨絨：係囉，阿媽一早就炒醒我，不過有街街去就算啦.....


返到屋企，兩條友仔都仍然懶 friend 咁迫埋一齊，你估下佢地而家o係邊﹖


咪就係迫埋o係廁所兜囉!!!!!
絨絨：哎呀，你咁大隻o架! 好迫呀............
寶寶：廁所每次只供一兔使用o架咋，我入o黎先o架.......


絨絨：我得個角仔企咋，就o黎跌出去啦.........

我係baby face﹖

12 Aug, 2006 (Sat)

今日成班人會幫大口仔同四眼仔補祝生日，所以約o左出MK食飯。
因為架勢唐會?呠呠，所以會兜埋我，再出去兜埋大口仔接佢放工後一齊出MK。

阿唐話我個樣好細個好細個，如果入機舖實俾人check身份証.....
阿唐：你個樣咁baby face.....
Carmen：真係好細個咩﹖
阿唐：係勁細個呀!

是但啦，其實都聽慣o架啦，有邊個唔係話我個樣似o靚妹仔先得o架........
呢排仲有人問過我........

某某： 你讀緊書呀可﹖
Carmen：係呀。(心諗，我真係讀緊遙距課程喎)
某某：讀緊中學呀﹖
Carmen：er.................... (唔係下嘛.......如果我話我讀緊博士你信唔信丫﹖)



絨絨仔：我先係真正o既 baby face 呀~

今日心情麻麻地

11 Aug, 2006

今日行程太密，結果未如理想。
之前o係Ma On Shan 整o左件T-Shirt，今日諗住入去拎，點知趕到8點前去到，但間o野竟然早收!! 真嘔血........

算，天意.........
唯有o係o個度食餐飯啦~
間o野其實真係麻麻地，o野食唔熱，間餐廳又太凍，仲要撞到個client 坐o係我隔離，食完真係拿拿聲走啦.....

今年最後一次Written Exam

7 Aug, 2006 (Mon)

終於都到o左今年最後一次考試啦，其實我一d都唔緊張，都考o左咁多次咯，而且只係考Multiple Choice之嘛，都唔會唔合格o架啦，上年總成績拎Honour，唔知今年拎唔拎到呢﹖不過就算拎到又點丫，唔通有Scholarship咩，又唔通有人工加咩............搵笨..............@_@

究竟，我係咪真係專心坐定定溫書o架呢﹖去片!!!!!!!!!!!


嘜嘜：乜你唔係應該溫緊書o架咩﹖
Carmen：嘻嘻，而家溫到兔仔結構丫嘛........


難得嘜嘜肯企起身仲要俾我影到哇!!


又係寶寶第一個發現有菜菜食!
寶寶：絨絨，借個背脊o黎涼腳丫~.....唔..........都仲係唔夠高添!


寶寶：yeah~ 我搶到啦! 都係靠自己穩陣~


嘜嘜：我唔洗搶都有得食呀，幾叻~


嘜嘜：仲有人餵埋入口添呀......


寶寶：我夠有咯!
俾寶寶企住o既絨絨：到我未呀.........


絨絨：少食多滋味........點解無兔俾我企住o架﹖


唔知點解，我睇o黎睇去都仍然覺得兔仔食菜好好睇!!!!!!!!!

5點幾，出發去考試 lu..........
坐車車時望多d notes 兩眼就算，唉，我真係覺得，就算我考第一又拎Honour又點丫，咪又係成日俾人鬧，唔通升我咩.......

今次考試三份卷，我抱住拿拿林考完就返屋企o既心態，唔洗半個鐘，我已經做晒!!!!
Carmen：I have finished all the papers, do I need to stay or I can go?
Mentor：You can go.

既然鑑考話I can go，我仲點會stay...................

同學S：有乜理由你可以做得咁快o架﹖Just can't believe.
Carmen：下﹖做完啦嘛。
同學S：你double check o左d 答案未o架﹖
Carmen：我識做o既已經做o左，唔識做o既都揀埋答案，唔洗再check啦，就算我再坐多10分鐘，唔識o既都唔會變返識啦。

唔好浪費我時間。