日積月累

7 Oct, 2006

日積月累，太多o野啦，所以今日決定將個柜桶大執，以前次次執柜桶，更有好多o野唔捨得掉，樣樣都要留返，樣樣都覺得有紀念價值，不過，今時唔同往日，有d一直唔捨得掉o既o野，我竟然好瀟灑咁掉晒!!!!!!!!!

或者咁樣，對我自己會好d......

當然，我好鍾意o既o野，我都會留返o既，就正如呢個叮噹包包，係我以前用o黎裝Call 機o既，佢跟o左我咁多年，我真係掉唔落手，有得留低!!

執執下，我亦都發現原來我有好多朋友o係外地買俾我o既手信!! 係多到我驚囉!! 仲有我d書，成個書柜都係書呀!!!!!!!!!!!!!!!!!!!

************************************************************************************
原本約好o左阿媽今晚一齊食飯，點知一有朋友約佢，佢就甩我底!!!!!! 可怒耶丫.....
阿妹又去o左燒雞翼...... -_-
咁我唯有同幾隻寶貝o係屋企發毛啦.....

中秋節快樂!

6 Oct, 2006

中秋節快樂呀~~

係咪個個都去晒BBQ呢?

今日食完lunch就同大口仔出o左灣仔交form，好彩趕得切!!!之後就落o左CWB 行o左一陣，行過o既地方，雖然似曾相識，但已經無o左o個種感覺lu，好o野~~~

夜晚去o左食飯，食完飯就去o左幫Luther仔滴Revolution!!!隻衰仔超級爛玩，追住我隻手o黎咬，d 爪同d牙仔又尖，損晒啦~~~~~ 百厭星 -_-

Luther 成日走去捉老鼠，似乎佢覺得好好玩囉，俾佢捉到實死無生啦，將佢拍o黎拍去，慘.......

攪完Luther仔，我地就出o左MK諗住睇下買唔買到飛睇<寶貝計劃>，其實都預o左買唔到o架啦，不過橫掂無o野做，咪出去當行下街囉，臨走前想買串拮拮食，點知一買唔係一串係一碗囉!!! 無o野呀.........成碗.........我食o左飯o架啦......

Luther：救命呀..........放開我呀.......慘無人道呀.......

趁後生，玩多d

2 Oct, 2006

拆完骨........周身痛.........^O^

由於之前唔知會幾點返香港，所以.......
同朋友J去爬蟲展，要改期。
同小飛飛去食晚飯，要改期。

其實我仲有好多o野想做o架.....例如......
去沙灘游水啦.....
去camp啦.....
去唱K啦.....
去食buffet啦.....
跟朋友A返大陸食o野啦......
同阿邊個食飯啦......仲有阿邊個啦，同埋阿邊個啦....好多朋友都想見....

真係唔知做得邊樣呀，又就o黎中秋節，玩乜好呢?
到而家都未約人，唔通無得玩? 放兩日留o係屋企????????
阿媽話去兩日遊喎，不過問題係我唔可以孖住放星期六日，咁點去呢?

見到有白色兔仔燈籠，明知自己唔會點玩，但又想要.......想點呀?
咁大個拎住個兔仔燈籠周圍行咁有型?
其實...........我仲好細o者...... -__-" 去街市買菜阿姐咪又係叫我阿妹.......「阿妹買咩菜呀?」

************************************************************************************


朋友A 8月先去完內蒙，而家又plan 12月去西安，真羨慕呀~~

咁我個11月Phuket 之旅又會唔會去得成呢?

************************************************************************************
<命硬> Justin

二百年後再一起　應該不怕旁人不服氣
團圓或者晚了廿個十年　仍然未捨棄
換個時代再一起　等荊棘滿途全枯死
這盼望很悠長　亦決心等到你　等得起......

北上尋歡

2 Oct, 2006

尋晚放工後，一行8人北上尋歡，由於我係最遲放工o既一個，所以............成村人等我!!!!!!!
我都唔想o架，多o野做嘛......

同朋友A + 朋友K 食完檬粉 + 涼粉後，出發!

搭「黃巴士」上去，感覺怪怪的，好似去旅行搭旅遊巴咁，不過車上面好多阿叔.... -_-"
估唔到原來搭巴士係咁快o架!!!!!!!!!! 快到我唔信，「習」一聲就到o左!!

今次William同Joey 帶我地去佢地去開o個間，去到都已經11點幾，開頭我坐o左o係度睇電視，等o左好耐終於有師傅過o黎，抬頭一望，下? 全部麻甩佬師傅??????? 唔係嘛...........唔該換人呀，我地要女師傅喎......... -__-

第一個師傅好似無食飯咁，但第二個師傅就好似想同我拆骨咁!!!!!! @_@

拆完骨已經3:00，好-眼-訓............(踩o左兩日瘋癲non-stop 12小時後仲要夜麻麻唔訓喎)
之後我地就落返去食o野，好耐未試過咁夜都未訓，更加耐未試過零晨3:30 仲成班坐o係度食緊o野囉.......真係好似去緊旅行咁囉。

返到屋企已經5:30，叫o左阿媽唔好鎖閂，點知阿妹鎖o左!!!!!!!!! 結果我開唔到個閂，呆企o左o係門口O 晒咀...............攪到我要打俾阿媽叫佢開門........

沖埋涼吹埋頭，6:15 - 訓覺啦!!!!!!

最上一次咁夜訓，都差唔多係兩年前o既事啦~

未來巫婆生擒嘜嘜女

1 Oct, 2006

今日o既主題係 --- 未來巫婆生擒嘜嘜女!
(俾阿媽知我叫佢巫婆，死硬!)

阿媽呢期好鍾意抱住嘜嘜反轉，一陣又話「你睇佢你睇佢，佢定晒格喎!」(大佬，驚o架嘛~)

一陣又話「你睇佢你睇佢，佢pat pat 幾污糟!」(最乾淨係你囉~~~)

一陣又話「你睇佢你睇佢，睇佢就衰啦，個鼻郁郁下~」(唔係唔郁呀?????)

我就同細妹講「你睇佢你睇佢，佢又玩嘜嘜~」

罪證確鑿，阿媽你無得抵賴o架啦!! (右邊係阿媽抱住嘜嘜)

*************************************************************************************
除了<童話>，我亦都好鍾意呢首........

<約定> 光良

我還記得 我們的約定　
我比以前 還更愛你了　
連那風 都笑我了　
我想它會告訴你的
我更愛你了........

無題

30 Sept, 2006

以前，一直都對識彈結他o既人無咩特別感覺。

好記得多年前，曾經有次民安隊同澳門o既童軍攪function，去o左唔知邊度露營，夜晚Camp fire 時，有幾個人拎o左結他出o黎邊彈邊唱，我都係覺得無咩特別，不外如是。

人大o左，慢慢發現，其實自己幾欣賞懂得玩樂器o既人，對於懂得彈鋼琴，拉小提琴o既男生，我總會另眼相看。

至於結他......

一個男生，坐o係沙灘，彈住結他，唱首自己鍾意o既歌仔俾自己聽，都咪話唔型死唔lum死.......(咁當然要唱得好聽啦!) ，不過，我一直都未遇到過一個識彈鋼琴，識拉小提琴又或者識彈結他o既男孩........................ >.<

既然係咁..............
我唯有自己學啦!~ 呵~

南丫島半天遊

29 Sept, 2006

記得上次去南丫島已經係三年前o既事，o個次係同阿Nick呀，Eunice呀六壯士入去hea 兩o左日，我仲好記得阿Nick扮阿拉伯酋長o個張相，真係笑死呀~

三年後o既今日，我同大口仔再次入Lamma，不過今次唔係去camp，只係入去行下，上山睇下風景影下相咁，其實今次入到去都成4點，已經無咁曬啦!! 所以可以行上山!!!!! 就咁行一行上山原來都唔易，我體能唔夠fit 嘛，平時少行山做運動，今次兩隻腳o既Tibialis Anterior 用得太盡!!! 有d 痛呀~~~~~

不過間唔時去一去呢d地方其實真係唔錯，成個人可以relax一下，唔洗日日望住d高樓大廈，行下山，坐下沙灘，影下相，搭下船，好舒服呢.......


巴士上。


中環碼頭 - 上船啦。


到南丫島啦。


路上的小狗。


飾物店的小狗。


好靚呀。


去到沙灘啦。


好想跳落去游水呀!!!












開始天黑，要落山啦~




沙灘都開始黑lu。


終於都返到中環。

返到出o黎肚仔餓，於是我地去o左金鐘食壽司!!!!!!
食食食食食食食!! 唔洗30分鐘，走得~ 嘩哈哈哈~~~

放假玩d咁o野，聽日返工就知痛.....