19 Sept, 2006成日發夢，仲一發就發幾個唔好o既夢，大口仔話我太累就會咁喎......都係早d o訓好啦。
尋晚同朋友A傾開話想一齊上一d course，不過似乎大家o既興趣唔多同喎! 我想學中醫佢又唔想，佢想玩游泳改良我又唔叻游水，我想學鋼琴佢又話自己無音樂細胞，佢想學knitting我又無呢d耐性，我想讀返急救証書佢又話佢o個張未過期(但我o個張就過晒期!!!)，唯一大家都有d興趣o既就係變態心理學(其實我地都已經夠晒變態)同埋西班牙文，不過又應該好多人報.......或者睇下HKU Space 有無咩好玩啦......
但係......我諗我唔會報西班牙文住啦，雖然都應該有d用，但我學緊日文，再加埋之前學o既少少法文，如果再學埋西班牙文，我應該會將中文+ 英文+日文+法文+西班牙文o黎個大兜亂~~!!!!!!!!!! 盞攪.............
要比心機學好d其中一樣啦，唔係真係樣樣都唔掂呀 @_@
************************************************************************************
話就話我而家已經讀緊course又學緊o野，不過我真係覺得而家讀緊呢個course廢廢地，攪到我覺得自己都頹廢埋，一個人如果耐o左無新o野學無新o野讀，我會覺得幾無意思，增值唔到自己，奈何我唔係有錢女，又識唔到有錢仔@______@，否則我真係會拎十幾萬出o黎再讀多個degree又好，讀乜都好，總之唔可以俾自己太得閒啦，我份人，怕悶，更加怕悶o既時候無人陪......
最好可以有返幾個好朋友一齊讀書，好似以前會考咁，三五知已一早去溫書食飯溫書食tea溫書食飯溫書食宵夜溫書o訓覺，之後第二日一齊去考試，雖然辛苦，但係好開心咯!!!!!!!!!!!!!!
人大o左，人人都有自己o既工作，有自己o既o野忙，邊再有咁多時間見朋友丫，住得近就話間唔時可以見o下，稍為住得遠d，真係可能幾個月都見唔到一次，平時見得最多就係同事同事同事，好彩同d同事都幾夾，成日一齊吹水飲飲食食拮下魚旦send 下SMS咁，唔係我可能會痴o左線..................哈哈。
有機會o既話，我想...........
考返我張過o左期o既急救証書
學返鋼琴
學返法文
參加下義工隊
讀多個degree/master
唉.......太多啦..........
絨絨：我都想學下點樣先可以好似寶寶咁練到大隻仔呀.......
寶寶：我唔只大隻，連隻腳板都大隻過人!!!!!!!!!!!!!!
寶寶o既腳板比我隻食指長幾多!!
