My Circle of Life: 2006-11-05

好Kawaii o架呢....

6 Nov, 2006

今晚係今年第一次打邊爐。
大食o既我，A小姐同D 小姐真係可以食到佢蝕本。
三個一邊食一邊傾計，中途笑到噴飯!!!!!!!!!!
真係好好笑!!!!!!!!!!!!!!
有你地真好 ^_^
食完同A小姐搭小巴，想嘔! 唔係飽到嘔呀?!?!
可能因為夜啦，成11點幾，o係街上行真係感到陣陣涼意，特別係我屋企樓下囉!!! 好凍呀~~

大家估唔估到佢係咩o黎o架呢?
訓到好似隻貓咁R 晒柴......

再睇真d.....係咪有d熟口熟面呢?

好可愛哇~~
大家細個o係卡通片有無見過呢隻小動物呢?
佢就係一隻貂鼠啦!

好耐無見了

5 Nov, 2006

今日約o左好耐無見o既B仔食lunch，之後就去o左睇<地海傳說>，好.....悶.........我中計了，哈。

睇完之後成個人呆o左，懵懵下咁，懵係咁同阿B去搵布吉o既書，終於都俾我搵到一本，係囉，一本咁大把.......係咪咁罕有呀????

買完書就陪阿媽行o左一陣街街，佢下晝就同細妹去新開o個間壽司店食壽司，而夜晚就同我去同一間食dinner。許太又真係無介紹錯喎，我同細妹都覺得呢間d壽司好好味呀~~~ 一定有下次!!

人，係會不停咁變o既，以前所有蠔都唔掂o既我，而家竟然成日同同事去食蠔仔粥，又會同大口仔，阿媽去食焗蠔，只差生蠔我未敢食o者，由驚變成鍾意，好怪呀~~

Never say Never?

But for something, I can say Never.

I will Never dislike rabbits, hahahahaha.....^O^

食完我鍾意食o既日本菜，好開心喔~

3 Nov, 2006

今日四出去書店搵布吉自由行o既書，點知失望而回。
攪咩呀? 去Bangkok, Pattaya, Samui o既書就大把，但有咩可能無Phuket ....... >.<

搵唔到，真係有d唔開心，笑唔出，太失望了。
布吉呀布吉........陽光與海灘......

上o左Shirley 度同阿B玩o左一陣，又見到啡啡，終於都識笑返。

之後收到Charles 電話，其實大家返工都好辛苦，但辛苦得o黎，都應該要被Respect 的，right? 看來，你比我好......

高班啦!

2 Nov, 2006

話咁快，我o既日文已經讀到去高班，但我o既程度就好似仍然徘徊o係低B 班咁，咁樣唔得o架喎!!!!!! 邊個口口聲聲話要學好佢o架? 俾d心機先得o架!!!!!!雖然「我個同學成日走堂」，名就唔好講啦，哈哈哈~~~

其實我今日真係好支力，上堂時已經想合埋眼，無計啦，放工仲要去上堂，係咁o架啦......

愈來愈覺得，返呢份工咁辛苦，跟本就係一種折磨...... @_@

究竟我幾時先可以「脫苦海」?
俾我中六合彩啦!!!!!!!!!!!

唔該許太

31 Oct, 2006

今次成家人去晒珠海，咁究竟寶寶嘜嘜絨絨由邊個照顧呢?
答案係.......許太呀!!!!!!!

許太一日o黎我屋企兩次餵佢地同換廁所，真係唔該晒呀!

許太仲話佢好鍾意寶寶，覺得寶寶好得意添呀!
又話......寶寶........好鍾意搶o野食!!!!! 係咁搶呀搶，絨絨唔夠佢爭.....
更係啦，餵糧時要分開餵o架，唔係寶寶實食晒~
佢又話嘜嘜好乖，仲成日匿埋o係間屋仔入面唔出o黎喎.....

似乎許太真係好鍾意我o既兔仔們，仲話下次如果我去旅行就叫佢幫手添!
我阿媽聽到後即係話甩難.....
許太都不知幫得幾開心呀，阿媽你執兩粒臭臭就鬧晒鬼咁....