寶寶剪毛日

27 July, 2007

今日10點就起o左身，食過早餐後就打o左一陣機。
今日天氣都幾好，都幾夠陽光，所以幫兔兔影相呢。


絨絨：嘩...個屋頂爛晒啦，點住兔呀....?!


絨絨：唉....真係無眼睇啦.....


嘜嘜由賓尼兔變身家兔!!


剪毛前o既寶寶勁食草草。


迫爆鏡頭啦!! 影唔晒2隻o架!!
呢張相，其實寶寶已經剪完毛毛，不過每年幫佢剪佢都唔係咁開心，所以唔show佢個新look 出o黎啦......因為我d手勢....

寶輡真係好乖，佢企定定俾我剪毛，抵我獎粒木瓜丸俾佢o既~


嘜嘜：好彩未輪到我剪o者.....


嘜嘜：你有你剪毛....我有我訓覺.....


呢張嘜嘜，真係靚女到爆!!!

阿媽放工返到o黎，一見到寶寶就同寶寶講.....
媽：哎呀....寶寶剪o左毛呀...哎呀......咁慘呀.......食唔食mum mum 呀.......?
阿媽，熱仲慘呀.........寶寶又大隻又深色d毛又厚，大熱天時披住件mink!!!!!
總之寶寶剪o左毛都係咁靚女啦!!

肥仔，希望你無事啦~

26 July, 2007

今晚見到某某，佢同我講o野，我只係好簡單應o左佢一句就行開o左。
唔知呀，突然真係唔想同佢講o野，費事麻煩到佢麻煩到自己啦。
我同N小姐都覺得盡量少講為妙呢。
其實.......你辛苦嗎?

夜晚同埋大口仔 + D小姐食飯，食到成10點幾，係時候返屋企了。
返到屋企上o左一陣MSN，A小姐send o左個message 來...

A：I can't help myself carmen.....

無啦啦收到佢呢個message 嚇o左一跳，A小姐唔似會講呢句說話o既人喎.....
原來係佢隻狗.....佢同我講唔知應唔應該俾佢隻狗狗安樂死。

我真係唔知點答佢好....真係唔知......

避之則吉

25 July, 2007


呢隻Moluccan Cockatoo真係好靚好靚....
橙橙地色，大大隻，不過呢d唔o岩我養，就算真係養鸚鵡，我諗養隻cockatiel 仔算了，咁大隻，一陣叫起上o黎真係耳都聾!! 咬中就真係手指都無埋!!

************************************************************
呀......入返正題.......
今日得悉某某同某某因為「我地成班」而鬧交，無聊。
都係同某某保持距離好d，費事拿屎上身啦。

新好定舊好?

24 July, 2007

下晝又係出中環o既時候，真係攀山涉水。

6:00離開中環，去o左Mrs. Field 買Muffin，拎o左一個新手味去MTR 同大口仔交收，點知佢俾o左一個字：正!!!!!!!!!!!

新口味真係咁好味?我呢d老人家唔係太鍾意試新o野，都係食返Cream Cheese Muffin 算lu。

呢個muffin，終於係留返夜晚11:00 打緊NDS o既時候食，補充打機o既力量!!!!!!!!!!!!!!!

嬲爆樣

23 July, 2007

發發仔個樣一向都係嬲爆爆，不過凡事唔好只係睇表面，其實發發仔好純好乖o架，把聲仲好鵪鶉添.....


發發仔：我唔出聲個樣係咪好威武先?


發發仔：唔好得罪我，我抓死你o架!!!


好痕呀!! 唔該R 耐少少。






發發仔係一隻好乾淨o既喵喵來。


雖然個鼻鼻間中有少少污糟.....


愈迫愈舒服!!!

認識阿Fred 之前，每次見到佢都好驚，因為佢個樣真係太惡啦!
但當我真係同佢做o左朋友仔之後，發覺發發原來真係唔惡o架，仲好得意添!

嘜嘜覆診

23 July, 2007

今日帶嘜嘜去覆診，醫生幫佢檢查後話眼仔無好到亦都無差到，d藥水要繼續滴多3個星期。


嘜嘜：醫生醫生，咁我幾時先會好返晒o架?


嘜嘜：我唔想再去醫院呀....

喪訓

22 July, 2007

尋晚阿媽返o左大陸，我就打Lost in Blue2 打到三更半夜，今日眼訓到死!!!!!
訓醒已經1點。

下晝又打NDS，一打就3個鐘，我諗我真係痴o左lu。
但愈玩愈開心，因為發現愈來愈多o既o野執呀~~

原本約o左K小姐去食tea 再去醫院探Z小姐daddy，但因contact 唔到Z小姐，所以取消，改為K小姐o黎我家食晚飯同做功課。

我發覺再打落去唔係辦法，所以迫自己停一停，改為去同寶寶嘜嘜絨絨玩。


寶寶真係好痴我，佢係都要痴住我o黎企。
絨絨仔就好似仲發緊夢咁。


寶寶又痴埋o黎啦，佢係都要挨住我隻腳企o架。


寶寶：再o黎，我痴住!!!

再探喵仔

21 July, 2007

星期六要返工，尋晚夜返屋企，成2點先訓，今朝勁眼訓....
望住自己個袋眼光光 @_@


個袋有無咁亂呀?
返工必備，有水樽，銀包，相機，TEMPO，NDS。

放工後要去睇喵仔，因為原原主人唔o係香港。
睇喵仔前，同o左大口仔叫餸食飯，食食下途中，突然......好好好肚痛，痛到想暈....真係想暈....
大口仔即刻去幫我買水食藥，其實對面就係7-11，1分鐘就返到o黎，但我連呢1分鐘都等唔到咁，好想暈低.....


Luther一天一天肥下去。


一天一天靚仔下去。


Mogi一天一天傻下去。


Mogi：咦?呢度就係你仆親o個隻豬腳呀?
Carmen：好痛呀....

*************************************************************
返到屋企1點，沖埋涼執埋兔2點，打埋NDS.......聽日唔洗 返工，大晒!

可以對我好一點嗎?

20 July, 2007

今日差d中暑，已經覺得頭暈 + 手軟腳軟，係咁滴汗，透唔到氣，繼而仆低....
跌損o左隻豬腳呀........ >.< 如果再掉低我，我可以怎樣...... 捨得‧唔捨得。 如果捨得，會咁樣嗎? 如果唔捨得，又會咁樣嗎? 好迷惘..... 總之唔要再係咁!!! ************************************************** 返到屋企，見到嘜嘜好嘆下喎!! 今次面向牆bom 低。
z....Z.zz.z.zz.......Z......


櫻桃嘜咀。

意料之外

18 July, 2007

之前提及之前癲人會返o黎我公司同我返做返事，一直以o黎我都唔多開心+ 擔心。

不過有時d o野真係始料不及，開頭o個幾日，我真係一句說話都無同佢講，就算見到面我都唔會同佢打招呼，而佢亦都一樣，互當透明。

但近排，我地都有傾下計，當然唔會係好朋友，但at least 工作上都會講下o野，幫下手。

有時覺得，不如算啦，嬲佢又有咩用，只要佢唔好再做一d刺激到我o既事，我由得佢吧....

我想我要放鬆一點點呢，而我今次都做得好好。

今次真係睇電視時間啦

17 July, 2007

今日出o左中環，follow 到一個case，阿sir 叫我出去睇住個patient 用部機，幾好。
同個patient 一邊做treatment 一邊傾計，佢今年升中五了，就o黎會考，諗返起當年我考會考，同幾個朋友仔一日溫10個鐘書，雖然辛苦，但好開心。

*******************************************************

而家呢套電視劇都唔好睇o既，Carmen 都無追啦....


嘜嘜隻豬手。

嘜嘜又要見獸醫了

16 July, 2007

幫嘜嘜約o左今日見獸醫，因為佢左眼濛o左o既地方好似愈來愈大撻，同埋眼白都紅晒了.....

加晒冰墊入去街袋，大口仔車我地一早出發! >.<

獸醫話都唔知咩事會咁濛，可能係Reaction? 唔似典型Corneal Ulcer，Fluorescent stain 唔係好螢光，但又好似有mild ulcer，獸醫話應該會痛喎，但嘜嘜又唔似痛，係佢忍得痛定點? 唔知咩事.....

而家要每日滴眼藥水，一個星期後覆診，如果到時都仲唔好就要驗血check Kidney function 先再決定用唔用止痛藥，因為嘜嘜年紀唔細了，要個kidney 正常先可以開呢d 止痛藥的。

唉，我真係唔覺嘜嘜隻眼仔痛喎，佢又唔會捽眼，盡量我又唔想佢食呢d pain killer....到時睇下點先...

公公生日快樂~

15 July, 2007



今日o係公公生日擺酒o既大日子，我同阿媽，阿妹，大口仔同Ryan夜晚出發去酒樓，送o左支Brandy 俾公公之後，我地d o靚仔(孫仔孫女) 就開始NDS大戰PSP!!!


見唔見到我呀? 二舅父大展歌喉~


公公同uncle 們大戰四方城!!!

食飽飽後，細路o個圍仲有12碗紅豆沙 + 10個壽包要K.O.，o係呢d情況下，通常都會以遊戲形式去作出解決，今次我地o個圍13個人，包括屎呆表妹仔，玩夢.........蘿........麗.........莎.....

痴線o架，次次都有新遊戲，我聽都未聽過呀!!!!
聽佢地講解完點玩後，覺得超爆好笑，但好難玩囉!! 可能因為我同阿妹都未玩過，唔熟，勁輸!!
我輸o左4次呀!! 又紅豆沙又壽包，變態o架......好彩有大口仔同Ryan幫手食.....話時話，Ryan 都食o左成6個壽包.......-_-

不過我都唔係最差o個個....上次Ivan 一個人輸o左6次，唔該自隊6碗紅豆沙!!!!!!

唔係睇電視都要抱?

15 July, 2007

我阿媽一直都有個習慣，就係每晚9:30 抱住嘜嘜睇電視，咩<溏心風暴>，<學警出更>等等通通都睇過晒，不過而家已經進展到唔係睇電視時間都要抱下嘜嘜.......


而家係下晝3:00......嘜嘜又被怪獸捉o左!!


嘜嘜：求下你放過我啦，下晝3:00係我o既覺覺豬時間o黎o架...


嘜嘜：其實我真係好眼o訓呀....


無奈中.....

小心呀

13 July, 2007




隻衰妹飲水都要飲得"diu 鑽" 過人，有水兜俾佢唔飲，係要爬上個大水桶凌空吊住自己o黎飲，
點知一個唔小心，咪一隻手仔插o左入水桶囉!!! 最後...濕晒.......