My Circle of Life: 2007-03-11

World Carnival 2007

7 Mar, 2007

今日係Luther Mogi 搬屋後第一次去探佢地。
一開門，嘩!!!!!!!!!!!!! 無貓o既?????

原來兩隻o野匿埋o左o係床下底玩.....
好cute 呀你地....

之後就出發去嘉年華玩啦~

入場啦~

本身諗住留返一個token 紀念，不過最後都係用埋。

返屋企時，呠呠車爆呔!!! 架車向左右擺，嚇死我咩....
阿唐揸車出o黎救我地兩條傻仔....@_@

7 Mar, 2007

首先同Kenneth講聲生日快樂。

I have to get back my clinical experience.
今日見到一個我唔expect見到o既人。
馮sir 同我見到佢時，大家都一齊呆o左....
原本約o左大口仔同傑傑佢地食飯慶祝傑傑生日，最後.........我都係同o左馮sir佢地去social...
多謝馮sir 俾機會我去學o野，多謝馮sir!!!

我，很想回來。

憤怒的一天

5 Mar, 2007

今日，我o係老細面前痛罵廢柴。
事源係咁....

前兩日，廢柴咪拎o左兔B o既?
呢兩日，我都擔心兔B o既安危，因為拎佢走o既人係廢柴，而我一直都唔相信呢個無人性 + 無腦o既廢人。

因此，我專登o係人人都o係度o既時候開口問：How is the baby bunny?

大家估下佢點答? -------------------- em......Sorry Carmen, it DIED. I dont'w know why.
係DIED 呀，DIED 呀!!!

你地估下係o係佢手上幾耐隻BB就死o左丫? ---------------- 係4小時之內呀!!!
離晒譜o架!! 痴線!!
隻BB 係我一手一腳救返，佢9 點去你屋企時仲好地地，而家你話俾我知佢零晨1點就死o左????
呢幾個鐘入面，你對佢做o左d乜呀?

個感覺，就好似佢謀殺晒o左我o既一番心血咁。
當時我真係嬲到震。

後來死粉腸仲敢膽走入o黎扮o野：Oh are you okay Carmen?
我都未出聲，A小姐一個怒啤眼神加一句：Obviously she is not okay!!!!!!!!!!
就係咁，粉腸就死返出去。

我，真係好憎佢。
不負責任o既人渣，你快d去死吧。

真係好唔明白，老細點解唔炒o左呢d人o架.......
呢個人已經俾唔同o既同事投訴過無數次，亦係俾前公司基於同一原因炒o左魷，唔通佢幫公司搵到錢就係一切?

對你只可以用呢一句：死開啦粉腸，道不同不相為謀。

遲來的生日快樂

4 Mar, 2007

今晚約o左Z小姐，K小姐同B小姐食飯，保祝佢地生日。
由於兔B事件，今日一直擔心中，希望聽日盡快返去問佢拎返兔B。

拯救兔B行動

3 Mar, 2007

今日，有個廢柴話要kill一隻collapse o左o既兔BB，BB大約只係得一個月大。

基於我鍾意兔仔 + 我有人性 + 我有腦(至少比佢有) + 我有心幫 + 我識湊兔B + 我唔相信個廢柴o既「肺腑之言」，所以我決定一個人嘗試去救兔BB。

兔B開頭真係collapse 咁訓o左o係度，企都企唔到，我拎o左佢去嘗試Support feed 草粉，BB 肯食喎!!

繼續保暖繼續試，過o左半個鐘，BB開始識抬高個頭仔。
再過一個鐘，bb開始試企起身。
再過多一個鐘，BB 自己企o係度食兔仔糧。
慢慢，BB可以開始自己行，行去食草草，去小便，去大便。
後來，BB已經可以周圍走了!!

由我接手到BB識行識走識食o野，只係須要4-5小時。
呢d，就係個廢柴所講o既所謂「我唔知佢咩事，但佢情況好差，須要人道毀滅」。
廢柴都真係算係廢中之霸。

咁多人死你唔去死?
試都唔試，救都唔救就話救唔到，你有無腦o架? 你呢d咪就係讀X片囉。

我俾隻兔B o既Diagnosis 係 ---- 主人疏忽照顧導致血糖過低。
廢柴o既Diagnosis 係 ---- 我唔知佢咩事。

好啦，你自己判証錯o左，點知老細問發生咩事，個廢柴竟然用o左我個Diagnosis 同老細講，當係佢自己o既diagnosis !!!!!!! 攪錯呀~~ 無天理o架.........

原本我話要拎兔B返屋企照顧，等佢stable d，但佢又話要拎返屋企玩(tum人開心)，我話要佢又話要，錯晒呀!

最後仲買晒野話要拎返屋企，呢隻係BB黎o架，有生命o架，而且今日先collapse 完，唔應該俾人拎去「玩」囉。

一直以來你係大家眼中係數一數二o既眼中釘!!!
臨走前我警告佢：You better take good care of the baby bunny, I have spent a lot of time rescuing her. Don't let it die. If it dies, I will KILL you.