9 Nov, 2007
約好o左要見修女，所以要早起身，prepare 好，出發!!!
呢間係我所見o既安老院中最大規模最靚最乾淨最豪華o既一間，簡直係大到dum 一聲!!!
有泳池有花園有聖堂 etc etc，行行下我都會盪失路囉!! (不過我係唔係都盪失路o既....)
行過見到好多婆婆，點知....
A婆婆：丫....乜原來你係XXXXX呀? 我仲以為你係衛生幫添!!!
我：哈哈...
行多幾步，又見到另一位婆婆....
B婆婆：咁叻呀? 十二三歲就讀完大學啦?
我：........................(滴汗中!!!!!!!!!!!!!!!)
一直以來我都知自己個樣細個，就上次入casino 都俾人check ID card，不過頂多以為我16/17 歲囉，12/13歲真係未聽過!! 婆婆，唔好咁誇張好bor !!!!!!!!!!!
見完修女，非人生活將會由今個星期開始!!!!!
又上堂又返工又咁咁咁，我諗一星期7日我都會再無假放了。
辛苦? 我知呀，日日都要7點幾起身，不過而家唔辛苦仲等幾時先.....!? 先苦後甜，為自己o既將來好好打算計劃一下呢~
多謝大家俾我呢一個機會喔。
**********************************************************
lunch 後趕o左出YMT 交返份文件上clinic，之後再出o左瑪麗醫院探人。
返到瑪麗，有d感慨，話晒自己曾經o係QMH 出過placement 幾個星期，日日一早由屋企出醫院，來來回回3個鐘，返到屋企仲要咪書咪症，當時都辛苦呢，不過我以前頂得住，無理由而家唔得o者?!
o係瑪麗出面，真係諗返起當年出placement o既情境，仲記得有一日約Anderson o係瑪麗食飯，自此之後都再無見過Anderson了.....
o係醫院入面，好自然就會去搵返個自己個Department，偷偷望下入面，又令我諗返起當時attach out-patient o既情境，我仲記得當時我睇到一個hand case 係要洗傷口換dressing的，仲有一個係要做個小手術的呢。
離開瑪麗，又要趕返去上3個鐘急救，真係人都癲......
今晚我一邊上堂一邊肚餓一邊恰眼訓，個配搭錯晒囉~ hahahahahaha.....
