好熱喔~

天氣持續悶熱，人都熱到就o黎癲，何況係披住件「兔毛mink」﹖

唔係講笑，又濕又焗都真係好慘，開住風扇頂住先，我一o係屋企，下晝一定開冷氣俾幾隻兔兔囉，一開冷氣，一個人 + 三隻兔 + 一隻倉鼠一齊涼，算係抵到爛啦!

一到夏天，我就成日擔心中暑o既問題，阿媽成日話「咁多年都無事，會有咩事丫﹖」說話就唔可以咁講啦，你咁多年都唔中六合彩，咁代唔代表以後都唔會中丫﹖而且d兔仔年紀開始大，忍受炎熱天氣o既能力會逐漸下降，我唔會搏囉~



好啦，又係到介紹我d寶貝o既時候啦!
上面呢隻好似小獅子o既兔仔就叫做波子，係一隻好muscular o既大頭賓尼兔，彈跳力驚人!
佢細細個o既時候差d就俾人食o左!! 我就唔理咁多搶o左佢返o黎，由細細隻一手養大佢o既。
但係，波子o係2004年o既8月19日已經離開o左我啦，阿仔有五歲幾已經好叻仔o架啦!




而呢隻淺啡色o既賓尼兔就叫做嘜嘜 (Mcmug)，係由一個好重要o既人送俾我o既小兔，佢今年12月就會七歲，係一隻好痴人好痴人o既兔仔，可能因為跟慣人掛，同其他兔仔唔係好識相處，只係鍾意同人一齊，特別係佢主人我!!




上面呢隻俄羅斯小倉鼠叫做花生B (Peanut B)，改呢個名o既原因係當我領養佢o既時候，佢就只係好似一粒花生咁細粒，得11日大，幾驚養佢唔大呀，好彩佢生命力好強，而家咪又係大大隻隻咁......

話咁快，花生妹而家都一歲半咯，都不知幾咁精靈活潑，佢最鍾意係食菜，攪到自己好似我d兔仔咁喎!!




好啦，最後輪到家中輩份最細，年紀最細o既白色小侏儒兔絨絨 (Caspar) 啦!!
因為有人遺棄可憐o既絨絨，而我一向都想養返一隻純白色紅眼o既男仔兔，所以順理成章........
領養佢返o黎，真係俾阿媽日鵝夜鵝，不過最終都接受o左阿仔，呼~~~
「是但啦，都養開咯!無人要好慘o架嘛.......」(藉口多多......@_@)

阿仔另外俾人起o左個朵叫保濟丸 (Pill Pill)，原因係......