內疚極了...

12 Mar, 2007

今晚夜o左少少訓，因為聽日放假，所以連寶寶支針都夜o左打。

零晨1:45，我如常幫寶寶打針，一如以往餵住寶寶食住o野打，突然，寶寶抽筋，四腳朝天，成隻反轉，瞳孔定晒，嚇死我啦!!!!!!!!!!!!!! 當時我只係知道唔可以俾佢撞親整親自己，所以我即刻抱住佢攬實佢，係咁細細聲叫住寶寶.....寶寶.....當時個一刻，我以為寶寶會離開我了(大吉利是!!!) .....攬住寶寶，流住眼淚......... >.< 抱住寶寶去叫醒阿媽：阿媽，寶寶抽筋呀......

隔o左10分鐘，佢慢慢靜止落o黎，我仲係好驚呀!!! 放返佢落地，佢唔係好肯郁，係都要走返入個籠入面，面向牆唔理人......俾o野食佢，佢唔肯食呀!! 仲擰開塊面避開d食物，我真係好驚呀!!! 寶寶竟然唔食，連佢最鍾意食o既o野都唔望呀.............. >.<

我諗係我幫佢打針時拮到神經線，所以佢好痛..........痛到抽筋成隻反轉...... 我好心痛呀，我好清楚整到神經線會有幾痛.......仲要係俾支針拮到.....仲仲仲要係我拮到佢，內疚 x 100 ..........

摸佢個身同耳仔，好慶好熱....所以我立即用綿花濕水幫佢抹耳仔降溫，以免佢體溫係咁上升引致Hyperthermia 就麻煩了。 我由得佢o係個籠度休息先，之後開o左碗草粉俾佢佢都係唔肯食，隔o左個幾鐘，我諗我要開始餵少少草粉了，好擔心，陪到寶寶3點先訓.....放低d兔糧，草草同水俾佢，分開佢同絨絨，因為要觀察有無屎屎尿尿，對唔住呀寶寶.....

set o左鬧鐘6點起身睇寶寶，呼..........寶寶肯食o野啦，雖然唔多.... 我再去訓多陣，10點幾起身，見到寶寶食返草草啦!!!!!!!! 好叻女呀!!!!!!!!

我唔想再幫寶寶打針啦.......如果粒abscess stable，d針又無幫粒o野細返，唔打得唔得呀? 我好肉赤呀!!!!!!!!!!!

帶寶寶去問獸醫先。