今日被人召o左去做陪審團，呢個唔係問題，但要我9:15由我屋企出到西灣河o既東區法院，呢個就好大問題啦~~~
識我o既朋友都知我住邊o架啦，要我出到法院，無1.5 hrs 都唔成事....
到達Eastern Court o既大門時已經見到有好多記者o係度等，唔通有大單o野要審???
原來.....徐步高案今日都係o係呢度審。
好.....眼......訓.......
去到之後，見到幾十個陪審員，法庭再抽籤抽5個人做陪審團，點知..............抽唔中我喎!!!
即係話，我可以走人...
其實我打算聽埋審的，不過當法官大人一話揀唔中o既陪審員可以留低聽審或者離開o既時候，幾十個人一齊走人，唔係得返我一個坐o係度嘛?
救.....我.....
來來回回.....奪命3小時....
一個人好無聊呀....自己去食個早餐先。
食飽早餐後決定去探Luther同Mogi，睇下佢地兩隻o野攪咩都好嘛~
幾有動感~ 又玩打交啦~~
阿妹o係地下執喵糧玩，阿哥就當佢係老鼠仔咁望到實一實。
其實Luther個身都幾長的。
如果你好眼力o既話，你應該會見到Mogi 右上o個隻犬齒牙仔有兩隻的~
因為佢隻BB犬齒仲未甩呀....
順帶一提，我覺得出得法院做陪審團，衣著應該要裝重得體以示尊重，所以我今日著suite。
unexpect o既係幾十個陪審員當中超過一半o既人係T-shirt牛仔褲o既casual look，真係估佢地唔到。
返到屋企都已經兩點幾，我眼訓到死呀...... @_@
有樣o野仲好笑，就係我唔記得o左自己係未食lunch o架!! 哈哈哈~
直到4點鐘，我先發現.................點解肚餓o既?
睇o黎我已經眼訓到傻o左!!!!!! 唯有去訓下晏覺啦~
沒有留言:
發佈留言