唉.......今日.........唉..........
朝早都好地地的，點知lunch 時老豆打o黎話Mogi 唔見o左!!!!!!!!!!!!!!
我一聽到已經嬲嬲地o架啦，問佢：你有無關好窗?
叫佢快d搵多幾次，但都仲係搵唔到.......一邊食住飯，一邊擔心，d眼淚一滴一滴咁流，心諗：今次完蛋了。
既然一直咁擔心落去，咁不如行動啦~
走去同老細講話我想而家走，又咁好彩今日多o左人手，所以走人完全無問題。
再繼而又咁好彩，C小姐同B先生返o左o黎又準備開車走，問佢地可唔可以車埋我走，所以我先可以咁快去到目的地。
C小姐見我得一個人要自己去搵Mogi，所以佢話陪埋我一齊去搵，真係多謝晒.....
一落車，我地就o係附近周圍望，當時我真係好想快d俾我見返Mogi，但又唔想真係o係街搵返佢，個心真係矛盾到極點..... >.< 之後我地分頭行事，我上樓搵，C小姐繼續o係樓下搵。
上樓之後，劇情簡直係峰迴路轉!!!!!!!!!
我一開門就叫：妹妹.......妹妹.....Mogi妹..... 點知不出30秒我就收到回應!!!!!!!!! 「喵.....喵喵...............喵喵喵..........」一把好淒厲o既喵喵叫聲...... 當時我同老豆即刻豎起晒耳仔聽，聽下喵喵聲o係邊度出o黎的..... 哦.....原來係柜底!!!!!!!!但跟本係見唔到佢個樣的，只係聽到喵喵叫，我真係唔知佢點樣入去的，因為條隙真係好細，佢連自己入o左去之後都跟本出唔返o黎，我只係可以伸到少少手入去摸下佢，我真係摸到Mogi o係入面呀!!!!!!!!!! o個一刻我開心到即刻大叫：「係妹妹呀!!!!!!!!搵到妹妹啦!!!」
老豆拿拿聲變身大力水手，一o野抬起個柜，我就更係一手伸入去捉Mogi出o黎啦..... 救返妹妹出o黎之後，我淨係識攬實佢講：「搵返啦搵返啦....嚇死我啦.....」 可憐o既Mogi o係度不停咁震震震，佢一定係好驚了.......都唔知困住o左幾耐添呀......
老豆：「衰妹丫，我叫o左佢咁耐都唔出聲，你一o黎到一叫佢o者，佢就係咁喵喵喵......」
我：「佢更係驚o左你先zip 入去匿埋啦!」
老豆：「老豆唔見o左你都無咁擔心呀，而家唔見o左貓仔你就拿拿聲o黎搵。」
我：「車.....我驚貓仔會跌落街嘛，你牛高馬大........」
突然，我覺得自己好不孝!!!!!!!!! 哈哈哈哈~~~~~
當我仲o係度哈哈哈o既時候，C小姐就打o黎：「喂......我搵唔到Mogi呀.......點算呀......」
噢~我親愛的死黨，我地可以收隊啦.......
真係唔請佢食返餐都唔得呀.......
最後.......當然係............趕返返公司繼續做o野啦~~~
返到公司，我終於笑了 ^____^
**************************************************************
沒有留言:
發佈留言