可能天雨o既關係，今日所有人都ok relax，唔洗好似平時咁打晒仗緊緊張張咁，呢d返工o既日子個人先會relax d，我意思唔係話想日日都係咁，我只係想返工時d氣氛唔好成日都好tight 好stress o者.....
夜晚時，A小姐要返o黎拎返d o野，就係咁，佢同埋我地齊齊坐o係地下吹水。
正當大家吹吹下水o既時候，突然話有個急症手術要做!! 大家夾手夾腳拿拿聲set 好個手術室啦，點知10分鐘後，又話個手術唔洗做啦喎......玩o野.....又要收返個手術室......不過4個人一齊收原來真係好快o架!!!! 5 分鐘唔洗! 呢d就係叫合作無間啦~~ 哈~
*********************************************************
一返到屋企阿媽，阿媽就掉份報紙過o黎...
媽：你睇下呢個係邊個...
我：咩事咩事? (o係度望份報紙o既頭條)
隔o左一陣.....
我：下!!!!!!!!!!! 表妹?!?!?!?!?!?!
無錯，今日上頭條o個個人，就係我表妹......
d人係咪傻o架.....打劫拎天拿水去打劫仲點埋火機，一獲熟時你點拎走d錢呀?
最慘係我表妹無啦啦俾人淋天拿水淋到濕晒，個低B賊仔仲o係佢面前撻火機!!! 我表妹話已經有火花，佢嚇到呆o左囉........唉.....世上short 人何其多.....好彩我表妹無事咋!!!
沒有留言:
發佈留言