澳門遊(一)

21 Sept, 2007

已經有多年無踏足過澳門了，今次因為有免費船飛 + 免費酒店 + 有假期，所以決定去兜個圈玩下。o係屋企食完lunch 後，我地就搭車出上環上船了。



第一個目的地係漁人碼頭，聽就聽得多，去我就真係第一次，點知其實都無咩特別喎.....


好少人....




呢度個境幾靚~

好鍾意呢種燈o既feel 呢~

我地o係呢度等司機叔叔拎酒店o既key 俾我地。

其實我無諗詔間酒店會係幾多星又或者有咩特別期望，點知無期望o既時候，真係會有意外驚喜o架!!! 因為.......我地今次入住o既係一間五星級大酒店 - 永利酒店!

間套房大到丫.....一入去到，真係嘩一聲.....

行去廁所o既走廊都勁大。

連廁所都有電視!!! 有得一邊吹頭一邊睇<妙手仁心>。

個浴室真係好大，一邊有浴缸，一邊有企缸，中間係一個好大型o既洗手盆，要去廁所咩? 要再行入去另一間房仔就有個廁所啦~ 成個浴室o既面積，應該有我屋企一半咁大囉。

check-in 後，我地去o左食上海o野~

呢個好好味!!!

本身我好鍾意飲酸辣湯，點知呢個酒味好重呀! 最後.......

好...難....飲....

食飽飽，入o左星際玩返幾鋪.....

之後返酒店了。