16 Apr, 2007
正當我o岩o岩沖完涼，歡天喜地咁望住Chestnut的時候，突然，我發現我右眼睇o野濛濛地....
開頭我以為有o野入o左眼所以咁，亦都不以為意，點知過o左一陣仍然係咁，開始覺得怪怪地.....
隔多一陣，左邊個頭開始痛，開頭係少少痛，點知10分鐘之內，痛o既程度由1升到上9，直頭係痛到入鼻腔，左眼同左邊臉都痛，我知道係有問題了。
跟住，我痛到直頭出唔到聲，攬住個頭踎o左o係地下，一郁就痛，仲開始痛到作嘔。
我即刻搵阿媽，阿媽見到我個樣都嚇o左一跳，基本上我都已經唔係好講到o野，阿媽話不如同我入醫院.......
我唔想入醫院呀，好麻煩的，所以叫阿媽俾粒特效Panadol 我食o左先，如果食完都仲痛我就去睇啦.....食完之後拿拿聲lan o左上床，我連自己張上格床都上唔到，腳震震咁，唯有訓住下格先啦，一邊訓一邊覺得好凍，要叫阿媽熄埋風扇 (原本阿媽仲話熱想開冷氣添)。
其實上個星期開始都已經覺得有d唔多舒服，但又發唔出個病，只係周身唔知點咁，或者就係呢幾日返工太辛苦太大壓力o既關係，今晚突然病發?!?! 點解有d人為o左自己可以準時6點收工就唔俾人1點食飯o架?到有飯食又只係得15分鐘食喎....6點幾我肚餓想食少少o野又唔俾我去食......
沒有留言:
發佈留言