Mogi 返屋企啦...

13 Apr, 2007

Mogi o係我屋企休養o左十幾日，今日終於都要返屋企了。
佢o既腳仔都好得7788，所以係時候返去同哥哥一齊啦~
返屋企之前，更係影多幾張相先啦....


Mogi：我要食罐頭呀.....俾罐頭我呀.....唔俾信唔信我咬你丫拿?
Carmen：你以怨報德呀......呢十幾日邊個照顧你o架衰妹?!?!


衰妹你話，咬我?撩你個咀先~


Mogi：我合埋個咀先!! 唔俾你撩呀。


條「月利」又不受控制咁伸出o黎亂咁lam~


可能Mogi知道就o黎要走啦，佢無啦啦跳上o黎訓o係我側邊喎~


之後仲伏埋o係度訓添~


Mogi：諗諗下唔想走呀，都係呢度舒服d o者....


Mogi：又有咁多朋友仔陪我訓喎.....


Carmen：妹妹，我地出發啦....去拎車車先~


我地上車車啦，影返張相相留念啦~


Mogi：哇.........開車啦!!!


Mogi：哥哥，妹妹返緊o黎啦，我好快就到o架啦~~~喵~~

說時遲那時快，一小時後，我地就到達目的地啦!!


Luther：咦? 係邊個?!?!


Luther：嘩!! 有小偷!! 你地係邊個呀?????

一入到門口，Mogi 竟然唔認得自己屋企，個樣好驚好驚，仲踎低唔敢郁添，之後一望到阿哥，佢仲he 一聲!! Luther 俾人he，即時又he 返Mogi，當時大家處於極度緊張狀態!!!

佢地互相不停咁he he 聲，Mogi 仲要好惡咁wu wu 聲，就好似o岩o岩o係街執佢返o黎o個時一樣.......點算呀.....佢地唔認得大家呀......如果放埋一齊，佢地一定會打大交的.....@_@

結果我將Luther同Mogi 分開先，一人一邊，每喵一個廁所一兜水一兜糧，而家水火不溶，鋒頭火勢，暫時都係唔好迫佢地住，我o係o個度陪o左佢地3個鐘，氣氛好似緩和o左少少，不過仍然係好彊.......

無計啦，成10點啦，我真係要走啦，飯都未食，唯有真係暫時分開地盤先啦。


Luther：o孔~~~~~~ 你o係邊隻? 做乜o黎我屋企?!?!?! 我唔識你o架喎!~

真係擔心佢地會合唔o黎，唯有過幾日再o黎睇下佢地啦....

攪掂晒佢地d o野之後，同大口仔去炒餸食飯，正行去食飯途中，SHXT !!!!!!!!!!!!!!!!
黑色星期五果然係黑色星期五呀下!! 新鞋仔踩屎呀!!!!!!!!!!!! >.< 好甘呀~~~ 好嘔心呀~~~~ 對鞋新o架....唔制呀.....~~~ 好彩.......有屎o既鞋，最後都唔洗我洗，我只係拎住花灑閃到最開幫手灑下水o者....哈哈哈~ 都話邪不能勝正o架啦~ 哈哈哈哈~~
慘不忍睹呀 >.<