唉...收到從香港o既壞消息......嘜嘜由我第一日離開香港後就開始唔多肯食o野，又周圍大小便，今日連屎屎都無了......唔好嚇我呀......
嘜嘜俾人送o左去獸醫診所了，擔心中。
C小姐有update 我嘜嘜o既sitaution，好彩有你地幫我同嘜嘜咋，麻煩晒。
**************************************************************
今日行程：新宿(Shinjuku) ---> 上野(Ueno) ---> 池袋 (Ikebukuro) ---> 新宿(Shinjuku)
日本雖然有好多地方有o野食，但講到一早食早餐，真係無咩好揀，所以最後都係去o左DOUTOR，記得上次去大阪都有去過，d o野不過不失啦。
o係車站撞到幾個身著和服o既日本人，影返張相先。
到o左上野啦!!
不過大家都見到天黑黑咁，係囉，落雨......咁遠由香港o黎到東京，佢竟然落雨，心情點都受到少少影響，不過唔係大雨，算啦，係影相唔夠靚囉.....
其實上野係買手信o既地方，通常d人都帖9會咁早o黎o既，但我唔認為一定要最尾o個日先到囉，一早已經plan 好o左係第三日到訪上野，所以決定唔改呢。
o野食呀，草餅呀，呢d o野當然係唔少得，不過o係上野都有幾多o野睇......
我地入o左一間有成6-7層高o既玩具店行，見到好多毛毛公仔呀.......
想要隻兔仔呀，但......都係無買到，屋企太多公仔了。
嘩!! 又有!
仲有我鍾意o既龍貓添!
人地話日本有好多藥房，入面好多平o野買，種類亦都好多，其實係真o架! 所以我自己一個入o左間藥房度行，仲買o左一支KOSE添，比起o係香港買，真係平o左喎~
一路上我又見到一隻貓貓做緊yoga 啦....
行到咁上下，覺得有點肚仔餓，揀o黎揀去，最後揀o左呢間中華拉麵店，店員同我講日文，情況當然係有點9唔搭8，我同佢講英文，點知佢突然講普通話!!! 咁都好....我都識聽少少講少少....不過真係少少咋.....睇得出店員係中國人，可能因為係中華料理店掛。
就係呢間啦。
o係香港，通常當你o係食店一坐低，小二就會俾一杯熱辣辣o既茶你，但o係日本，無論係清水定綠荼，佢地都會係凍o既你o既，有d仲要係有冰的!! 其實咁樣o岩我呀，我唔多飲熱o野的嘛。
炒野菜。
我o既叉燒拉麵。
食完麵已經2點幾，係時候再起行了。
o係呢度都有好多o野行，有衫啦，o野食啦，乜都有d咁，不過因為拎住好多o野，所以只係行o左一陣就走了，要去車站搵個locker 放低晒d o野先。
話時話，日本o既車站真係周到，真係好多時都有locker 租借，由300 yen到500 yen 不等，好方便traveller 行街買o野呢。
出發去池袋lu。
o黎到池袋，我地plan o左去兩個有貓貓o既地方，o係第一貓貓地方，我地只係o係出面睇下d精品呀咁，無入去貓貓地帶睇，因為都幾貴下，之後就去o左Sunshine City 8樓o既Nekobukuro Cat's House，呢度都幾多精品睇，我地仲買o左飛入去睇貓貓添.....
其實平時都成日見到貓貓的，不過好奇心驅使下，都係想入去8下.....
睇完之後，覺得個地方太細了，人又多，唔入好過入呢.....
不過d 貓貓係幾得慕o既。
8 樓呢度除o左貓貓睇之外，仲有其他小動物的，其實出面係寵物店來，有賣寵物用品呀咁。
o係日本，好多地方都有松鼠賣的，唔知點解....
嘩!! 仲有兔仔! 不過呢度賣o既兔仔通常size都大隻過香港o既少少，唔係因為佢地品種大隻d，而家人地有良心，等佢地足3個月戒晒奶先拎出o黎賣，唔似香港d衰寵物店，一個月未夠就拎去賣，無人性喔.....
呢隻........我好想知係咩來.....都應該係d咩鼠鼠之類掛.....?!
或者大家都覺得點解我去到日本都係只係睇動物，其實唔係o既，我有行好多其他地方的，不過show 唔晒d 相出來o者.....
今日去o左FANCL HOUSE 買o野，唔係買o左好多o野之嘛，佢就俾我入會啦喎!
不過張membership 都唔可以o係香港用返o既，原本都諗住無乜用，點知後日又再去FANCL HOUSE，咁就即刻有得平啦! 真係好呢.....
行到咁上下，我又肚餓了.....去o左食蛋蛋包飯。
呢間蛋蛋飯又係o係大阪食過，好好味o架! 所以決定再去一次。
一粒粒白色o個d 係芝士o黎o架，我鍾意食芝士呢....
食飽飽後繼續行街街....
賣龍貓仔o既地方，我係唔會錯過的呢。
個細路女好似我個妹呀!! 細個睇<龍貓>時老豆阿媽已經成日都話個家姐似我，個妹似阿妹o架啦，連我自己都覺得好似，
因為我細個時係短頭髮，瘦瘦地，醒目d，而阿妹就係圓碌碌，扎辮仔，無知d，哈哈哈!
熟我o既人都知我由細到大都好鍾意毛巾的，所以連公仔都係特別鍾意毛毛公仔呢....
夜晚又要攬住毛巾訓，好低B呀...
我個妹呀!
到行到9點，係時間返酒店啦。
中間o個一大盒毛毛玩具....哈哈，有人送。
送俾阿妹o既魚魚耳環。
想提一提o既係，o係日本去親廁所都唔洗大排長龍，次次都係一入到去就有得去，可能佢地個toilet 好大啦，又多格。另外o既廁所全部都係半自動o架，有晒咩淺pat pat 呀，暖水凍水呀，就算沖廁所都係用sensor，用手郁一下就會自動沖水，好方便o架，仲好乾淨添! 又唔會臭臭，每個廁格修而仲會有地方俾d媽媽放低個BB呀，手袋呀之類，真係好周到，每個tape 都有埋liquid soap俾人洗手，洗完手仲一定有吹風機吹返乾對手添，不過最令我impress o既都係真係一d都唔臭臭o架!!! 一個字 - GOOD!!!!!!!!!
沒有留言:
發佈留言