話咁快就到o左第四日o既行程，亦係我最期待o既一天。
新宿(Shinjuku) ---> 吉祥寺(Kichijoji) ---> 原宿(Harajuku) ---> 新宿(Shinjuku)
真係唔知食乜早餐好，所以又去返DOUTOR。
今日好開心呀，因為可以去宮崎峻o既三鷹の森博物館(GHIBLI MUSEUM, MITAKA)，可以見到我好鍾意o既<天空之城>守護神機械人，加上天朗氣晴，影相好靚!!!!!!!!!!
偷影下車長先!佢地d制服好有型o架!
去博物館o既沿途風光，但因為我地要趕o係12點到，所以行得好快呀....好趕呀.....
到啦到啦，好緊張好緊張。
門口o既大龍貓!!!
感覺真係好似入o左好舊o既森林咁呢...
入去theatre 睇戲o既ticket，好得意o架，係film o黎o既，人人o既公仔都唔同的。
拎住呢張ticket 就可以入theatre 睇一小段龍貓o既movie，好好睇呀! 仲好好笑添 ^O^
大家見到我嗎?
其實museum 場館內係不准攝影的，所以只可以係outdoor o既地方先可以影相，所以影唔到入面俾大家睇lu。museum 入面有好多地方都係介紹點樣製作動畫的，當中更係有好多手繪o既畫啦，如果我畫畫有咁靚你話幾好呢.....
呢度係我最想o黎o既地方，我要同機械人影合照!!
臨走前去o左買雪糕食，380 yen 鏝茶雪糕，好味到震震震震震震......
我真係覺得好好食喎!!!!
離開o左博物館後，我地就正正式式搵餐晏仔食lu。
o係吉祥寺搵o左間碟碟105 yen o既壽司店，無論你食乜壽司都係每碟105 yen，好抵食，而最抵最好味o既，就係以下呢碟Uni......海膽壽司，食完點可以唔再叫呀!!!!!
又多海膽又新鮮，105 yen 兩舊，係香港有咩可能食到!!!!!!!!!!!
香港食要成$35一碟，呢度只係$7 咋!!!!!!!!!!! 仲要係好食過香港o個d喎!
食飽飽後，又繼續行街街了.....
我發現日本人真係好鍾意係炸o野，度度都有得食o既，而且仲炸得好靚好吸引添。
超級靚o既雪糕糯米滋!! 好想買o架，不過d雪糕頂唔得耐，買唔到返香港lu。
仲有又貴又精美o既草餅。
行到有點口乾，買o左杯什菜汁飲.......
原來什菜汁都唔係好難飲咋喎....
邊睇邊飲....
o係日本有好多書店，好多時行行下街就會有一間，行多兩步又有一間，通常d書店都好大間的，仲要有好多兔仔書!!!!!!!! 可惜全部都係日文.....
呢本我屋企已經有了....
呢條街有好多衫賣，有平有貴....
而我就o係呢度一次過買o左兩對波鞋呢....平時我好少睇得中波鞋的，但o係呢度我竟然一睇就睇中，仲要打孖上!!!! 而且唔算貴喎! 我買o左萬幾yen...
出發去原宿了。
原宿站係咁多個車站中最靚最特別o既一個呢。
又見到貓貓啦!今次呢隻係貓B添。
原宿好多o野行o架!! 好多都係賣女仔衫的，我係咁行呀行，行呀行.....噢~又落雨了....
日本除o左書店多，賣呢d crepe o既店都好多!
基本上我行呢氣街都已經見到有3-4間，好多人食o架!
我就係其中一個啦~
返新宿lu。
糖都買o左幾包...香港買要$9一包，呢度只係$6一包!!!!!!!!!
今日行街行到好黑呀，所以是但o係牛肉飯店買o左個飯返酒店食就算lu。
沒有留言:
發佈留言