好唔開心!! 感覺極差!!!!!

6 July, 2007

唔開心....
真係好唔開心....
我覺得，原來我真係咁唔重要的。

一而再，再而三，傾又傾過，勸又勸過，喊又喊過，失望失望又失望，一次兩次三次四次五次.......十次......
究竟我知唔知自己做緊d咩? 一直以來我都知，只係一直唔捨得，不過到o左今日，或者我要俾個限期大家啦，當係為o左自己吧，因為我發覺呢種忍耐已經到o左極限，近乎想放棄o個種極限，為免發生一發不可收拾o既局面(也許大家都未見過我大發雷霆吧?)，我寧願好來好去......

情感同理智，永遠都係兩難。
處事上，我係一個理智o既人，一切講求證據與道理。
我唔係一個冷血野蠻o既人，間中你有理由的話(就算對我來說係"無理"o既理由，而且會令我唔開心)，我都會惘開一面，可惜你跟本無去珍惜過我o既寬恕，亦都無去了解，理會過我o既感受，
原因係你要去顧及他人o既感受，他人o既方便，他人的他人的，永遠都係他人的，我受夠了!!!!!!!!

答應過我的，他人突然的一個電話，對我的承諾便通通拋諸腦後，你究竟想點!!
呢d事試過幾多次，大家心中有數吧。

今晚o既<學警出更>，陶大宇原本要同郭羨妮結婚了，點知又係一個朋友o既電話，陶大宇就o係結婚當日掉低個老婆，無啦啦走o左去救朋友，結果，婚結唔成，老婆都沒有了.......郭羨妮個心有幾難受? 我當然明白，因為今日又係咁了.......睇住佢自己坐o係度喊，覺得佢好無奈，好可憐，同時我亦都覺得，我好似睇到自己。

有時d o野真係好諷刺，我趕返去睇電視，而今晚o既劇情，咁o岩就係講呢個問題，郭羨妮o既最後決定我覺得做得好正確，一個咁樣o既男人，你認為佢會照顧到你一生一世嗎?你可以保証佢唔會再次因為朋友而放棄你嗎?你覺得將來大家會開心嗎?你覺得......你o係佢心目中真係...................重要嗎?

假如你覺得錯在我，心有不甘的話，請你話我知，好讓我更清淅更理智地同自己講：別傻了，他不會為你而改變的。

朋友，我覺得好重要，但一個成年人，應該要懂得去避重就輕。
量力而為，有分有寸先至叫成功。
討厭人不自量力，不分輕重。

有情有義，原本係一件好事。
但當任何事做得過火時，好事就會變成壞事，係一件傷害到人o既壞事。

Last Chance and No More。