唔係掛....

10 July, 2007

前幾日其實發生o左一件事，就係加‧人‧工。
本身加人工係一件值得開心o既事，但呢件事偏偏就令到我地幾個同事火都o黎埋。

點解?
咁不如我問你.....如果一間公司，用2百萬去裝修同買儀器，但人工加你$200，你會有咩感覺?

2百萬.......2百.........2百萬........2百.........2百萬.......2百....

$200.....真係令你有意想不到o既效果!!
咁如果......係加你$50呢? 你會唔會有皇恩浩盪o既感覺? 難怪我同事憤怒!!!!!!!!!!!

$50? 真係多謝晒。
如果加$50 o個個係我，我真係唔知點樣多謝你o既大恩大德好。

今晚收到呢個咁「令人開心」o既消息後，同事同我都已經有少少著火，有時世事o既o野就係咁抵死，慶還慶，我地係唔應該搵人o黎做戰靶的，不過有人想死難道你唔俾佢死?

我都講過我係一個講道理o既人，假如你係橫蠻無理o既話，咁你唔好怪我啦......
你o係眾人面前做錯仲無啦啦開聲鬧我，惡人先告狀，忍你我唔係Carmen啦!
我發起脾氣上o黎其實都唔係人咁品的。
你好彩，本小姐唔講粗口o既，唔係你死9次都唔掂呀。

不過都要多謝你一聲，唔係你o既橫蠻，我都無機會鬧人呀!!!
$200....條氣真係chok 住chok 住.....

*********************************************************


嘜嘜又變氣墊船訓覺lu。


其實嘜嘜同寶寶一d都唔似樣，點解咁多人都分唔到佢地o架?


寶寶深色好多....


衰仔絨絨。


好多人都話紅眼兔仔好恐怖，有咩咁恐怖呀?
絨絨咪係紅眼囉，我一d都唔驚喎....
人地虹膜透明咪見到血管囉，咁血管紅色嘛，隻眼咪紅色囉....
有幾邪惡呀....?!


以下係絨絨洗面面五重奏：