好快咁又到o左10月，好快就會証實"tum住先加人工"事件係又一胎死腹中o既事例呢。
不過唔緊要，今次加唔加我都無咩期望，真係加o既咪當有bonus 囉。
尋日阿媽已經帶o左嘜嘜睇醫生，所以我今日可以留o係屋企啦!!
尋日整完眼仔，今日好痛呀..... -_-
唉，見到嘜嘜隻眼整完之後又紅晒，都知佢一定好唔舒服了，所以我都係決定俾一劑醫院開定俾我o既止痛藥俾嘜嘜。
由於今日係公眾假期，阿媽都o係屋企，咁今日就扮乖，陪阿媽拎d o野去賣搵返少少錢同埋去買熱水爐，丫.....仲有，就係要影返張証件相啦!!
對上一次影o既証件相唔知點解唔見晒囉!! 唔緊要，橫掂都影得唔靚，咁阿媽就同我去再影過。
影定無蝕啦，遲d都要申請返回鄉卡o架啦~
大熱天時要我著住件西裝褸影相，真係差d出熱痱囉!!
***************************************************
好鍾意呢張同寶寶o既合照....
沒有留言:
發佈留言