30 Sept, 2007
因為聽日我放假，原本約o左一早帶嘜嘜去覆診眼仔的，不過最後都係決定今日睇o左先。
由於我今日返工，所以帶嘜嘜到診所o既責任就交o左o係我阿媽身上啦，無計，因為佢得閒囉~
其實我都只係試下叫阿媽帶嘜嘜，諗住佢應該唔肯啦，點知佢又一口答應喎!! 真係估佢唔到!!
就係咁，阿媽就拿拿臨包好個冰墊，放入個去街袋度再放阿嘜入袋啦。
其實阿媽而家照顧嘜嘜已經熟手o左好多，一來嘜嘜真係好乖，任佢抱唔會亂郁，二來我睇得出阿媽好鍾意嘜嘜，所以都肯帶嘜嘜去睇醫生，上次我o係日本，都係阿媽帶嘜嘜去睇醫生的。
不過今日阿媽做o左一年好危險o既事，就係佢拉開o左個去街袋o既拉鏈，一邊行，嘜嘜就一邊伸個頭仔出o黎周圍共!!!!
我：「唔好咁呀，好危險o架!」
媽：「車，怕咩o者，o係火車都係咁啦!」
我：「咩話? o係火車放佢個頭出o黎? 一陣俾人拉呀!!!」
媽：「拉咩呀啦，唔俾去睇醫生o架?」
邊個夠膽拉我阿媽同嘜嘜!! 未死過!!
沒有留言:
發佈留言